भारतमा चर्चामा रहेका कलाकारहरुको सम्बन्ध उतार चढावका बीच चल्ने गरेको छ । चर्चामा रहेका अभिनेताहरु सलमान, शाहरुख, आमिरले एक अर्काका फिल्ममा अभिनय गर्ने गरेका कम मात्र देख्न पाइन्छ ।

धेरै वर्ष अघि करण अर्जुन फिल्म बनेको थियो जसमा सलमान र शाहरुखको दोस्ती निकै मन पराइएको थियो । तर त्यसपछि उनीहरुको भूमिका रहेको अर्को त्यस्तो फिल्म दर्शकले हेर्ने मौका पाएका छैनन ।

त्यस्तै आमिर र शाहरुखको भूमिका रहेको एउटै फिल्मबारे पनि बेलाबेलामा चर्चा हुने गरेको भएपनि त्यो देखिएको छैन ।

तर पछिल्लो चरण सलमान खानको फिल्म ट्युवलाइटमा शाहख खान सानो भूमिकामा देखिएका छन् । यसको बदलामा सलमन पनि उनका लागि केही गर्न चाहन्थे ।

जब शाहरुले आफ्नो आगामी फिल्ममा सानो भूमिकामा खेल्नका लागि सलमानलाई प्रस्ताव गरे तव सलमानले तत्कालै आफ्ना सम्पूर्ण काम बन्द गरे र शाहरुखको फिल्म शुटिङको सेटमा पुगे ।

आनन्द एल रायको निर्देशनमा बन्न लागेको शाहरुखको यो फिल्मको सेटमा शाहरुखसँग सलमानको तस्वीर इन्टरनेटमा निकै चर्चामा रह्यो । मुम्बइ मिररमा छापिएका समाचार अनुसार सलमान, शाहरुखले आनन्द एल राउसँग फिल्मको शट बारेमा छफलफल गरेका थिए ।

यस फिल्मको गीतको कोरियोग्राफी रेमो डिसुजाले गरेका छन् । यो गीत निकै हिट हुने अनुमान गरिएको छ । किनकी रेमोले यो गीतका लागि भनेर आफ्नो शोबाट समेत विदा लिएका थिए ।