०४ साउन २०८३, सोमबार
विश्व मिर्गाैला दिवस बिहीवार मनाइँदैछ ।
दिवसका अवसरमा वरिष्ठ मिर्गाैला रोग विशेषज्ञ डा. ऋषिकुमार काफ्लेले मिर्गाैला स्वस्थ राख्न ११ सुझाव दिएका छन् ।
डा. काफ्लेले नियमित व्यायाम गर्ने, एक दिनमा कम्तीमा १० हजार पाइला हिँड्ने, दिनमा २ देखि ३ लिटर पिसाब हुने गरी झोल पदार्थ पिउने, सुर्ती, खैनी, चुरोट तथा अल्कोहल सेवन नगर्ने, दुखाई कम गर्ने औषधि सकेसम्म प्रयोग नगर्ने उपाय दिएका छन् ।
अन्य उपायमा उचाई अनुसारको तौल कायम राख्ने, स्वस्थकर खाना खाने, चिनी, नून बढी भएको खाना नखाने, रक्तचाप ठीक राख्ने, मधुमेहका बिरामीले समय–समयमा स्वास्थ्य परीक्षण गर्ने र कमसेकम वर्षमा एक पटक रगतमा क्रियाटिनिन र पिसाबमा प्रोटिनको परीक्षण गराउने रहेका छन् ।
