०६ साउन २०८३, बुधबार
प्रतिनिधि सभाको बैठक आज (आइतवार) दिउँसो १ बजे बस्दैछ ।
आजको बैठकमा संघीय संसद सचिवालयले प्रधानन्यायाधीश चोलेन्द्रशमशेर जबराविरुद्धको महाभियोग प्रक्रिया अघि बढाउने तयारी गरेको छ ।
सचिवालयले जारी गरेको सम्भावित कार्यसूचीमा महाभियोग प्रस्तावमाथि छलफल हुने दिन र समय निर्धारण गर्ने विषय समेटिएको छ । औपचारिक कार्यसूची भने आजै बस्ने कार्यव्यवस्था परामर्श समितिले टुंगो लगाउने छ ।
यसअघि महाभियोग प्रक्रिया अघि बढाउन सिफारिस समिति गठन गरिएको थियो ।
फागुन १ गते प्रधानन्यायाधीश जबराविरुद्ध सत्ता गठबन्धनका ९८ सांसदको हस्ताक्षरसहितको महाभियोग प्रस्तावको सूचना दर्ता भएको थियो ।
अब प्रस्तावक सदस्यले वक्तव्यसहित प्रस्तावलाई प्रतिनिधि सभामा पेश गर्नेछन् । प्रस्ताव पेश गरेपछि सभामुखले छलफलको मिति र समय तोक्न सक्ने व्यवस्था नियमावलीमा छ ।
छलफलपछि उक्त प्रस्ताव महाभियोग सिफारिस समितिमा जानेछ । महाभियोग सिफारिस समितिले उक्त प्रस्तावअनुसार महाभियोगको प्रक्रिया अघि बढ्न सक्ने वा नसक्नेबारे अनुसन्धान गरेर प्रतिवेदन दिनेछ ।
यस्तै आजको बैठकमा महाभियोग प्रस्तावअघि सार्वजनिक लेखा समितिको २१ औं वार्षिक प्रतिवेदन पेश गर्ने कार्यसूची रहेको छ ।
