१२ साउन २०८३, मंगलबार
रुसको सुरक्षा परिषद्का उपाध्यक्ष तथा पूर्वराष्ट्रपति दिमित्री मेदभेदेभले एकध्रुवीय विश्वको अन्त्य भएको बताएका छन् ।
स्पुतनिक र आरटीसँगको अन्तर्वार्तामा मेदभेदेभले अमेरिकीहरू पृथ्वीको मालिक नभएको बताए ।
कुनै बेलामा उदारवादी मानिने मेदभेदेभ हालैका दिनमा पश्चिमको व्यवहारप्रति कठोर अभिव्यक्ति दिइरहेका छन् ।
युक्रेनमा रुसको आक्रमणपछि रुसविरोधी भावनाहरू प्रस्फुटित भएको जस्तो देखिएपनि विगत ३० वर्षदेखि पश्चिमाहरू रुसलाई घृणा गर्दै आएको उनले बताए ।
‘सेता दाँत देखाएर राजनीतिकर्मी र कूटनीतिकर्मीहरूले पाखण्डपूर्वक एक कुरा भने अनि बिल्कुलै अर्को कुरा गरे,’ उनले बताए ।
