०४ असार २०८३, बिहीबार
नेपाल अटो मेकानिक्स ट्रेड युनियनको सातौँ राष्ट्रिय अधिवेशन शनिवारदेखि बुटवलमा शुरू भएको छ ।
अधिवेशनको उद्घाटन गर्दै अखिल नेपाल ट्रेड युनियन महासंघ (जिफन्ट) का अध्यक्ष विनोद श्रेष्ठले श्रम बजारमा धेरै ठूलो परिवर्तन आएको बताए । संगठन स्वतन्त्रता, न्यूनतम ज्याला मात्र होइन अब जीवनचक्रमा आधारित सामाजिक सुरक्षाको अधिकार प्राप्तिसम्म पुगेको उनले बताए ।
अहिले नेपाली अटोमेकानिक्समा ३ प्रकारको समीकरण रहेको दाबी गर्दै उनले स्वरोजगार, स्वरोजगारसँगै ज्याला जस्ता विषय मुख्य रुपमा रहेको बताए ।
कार्लमाक्सको समय अनुसारको श्रमको कुरा अहिले विश्वबजारमा नरहेको उनले दाबी गरे । देशभर ७ प्रदेशमा नाटुमा ७ हजार बढी सदस्यहरू आबद्ध छन् ।
