बेलायतले युक्रेनको लभिभ नजिक गुरिल्ला युद्ध, विध्वंस तथा कू गराउन सिकाउने प्रशिक्षकहरू पठाएको रुसी विशेष बलका एक सदस्यले आरआईए नोभोस्ती समाचार संस्थालाई बताएका छन् । 

बेलायतको स्पेसल एयर सर्भिसका लगभग २० जनाले युक्रेनी विशेष सैन्य बललाई युक्रेनमा रुसले नियन्त्रणमा लिएको क्षेत्रमा विध्वंसकारी गतिविधि गराउन प्रशिक्षण दिनेछन् । 

युक्रेनी सुरक्षा बलको एक स्रोतबाट यससम्बन्धी डेटा पाइएको रुसी सेनाका स्रोतको भनाइ छ । 

युक्रेनको ब्रोडीमा रहेको युक्रेनी वायुसेनाको ब्रिगेडमा दुई समूहमा बेलायती प्रशिक्षकहरू हेरफोर्डबाट ल्याइएका हुन् । प्रत्येक समूहमा आठदेखि १० जना छन् ।