सलमान खान अभिनीत ट्युबलाइट फिल्मले भारतीय फिल्म उद्योगमा तहल्का मच्चाउने अनुमानहरु गरिएको थियो ।
यस वर्षको इदको अवरमा रिलिज भएको फिल्ममले सलमानलाई पछिल्ला दश वर्षमा फ्लप बनाएको छ ।
। पछिल्लो केही वर्षयता सलमानका जस्ता फिल्म पनि सुपरहिट हुन्थे । तर, ट्युबलाइट फ्लप भयो ।
फिल्म फ्लप भएपछि ट्युबलाइटका वितरकहरू सलमानसँग पैसा फिर्ता माग्न उनको मुम्बईस्थित ग्यालेक्सी अपार्टमेन्टमा पुगेको समाचारहरु भारतीय सञ्चार माध्यममा छाएका छन् ।
फिल्म फ्लप भएपछि सलमान दुखि भएका छन् भने सलिमको निराश मुद्राको फोटो हालेर समाचार प्रकाशन गरेका छन् ।
सलमानका बाबु सलिमले आफूहरू वितरकको पैसा फिर्ता गर्ने निर्णयमा पुगेको बताएको दाबी मिडियाको छ । सलिमले हालै एउटा अन्तर्वार्तामा ट्युबलाइटबाट जुनजुन वितरकलाई जतिजति पैसा नोक्सान भएको छ, त्यो सबै फिर्ता गर्न सलमान र सोहेल तयार रहेको जानकारी दिएका हुन् ।
वितरकले ट्युबलाइटबाट आफूहरूलाई झन्डै ७५ करोड भारु घाटा लागेको बताउने गरेका छन् । तर, सलमान भने घाटाको ३० देखि ३५ प्रतिशत रकम मात्र फिर्ता गर्न चाहन्छन् । त्यसकारण कुरा मिलिनसकेको बताइन्छ ।
ट्युबलाइटले अहिलेसम्म भारतमा झन्डै एक सय १५ करोड भारु मात्र व्यापार गरेको देखिन्छ । सलमानका बाबु सलिमले फिल्म अझै पनि केही हलमा चलिरहेको र पूरा हिसाब आएपछि मात्रै वितरकलाई पैसा फिर्ता गरिने जनाएका छन् ।
सलिमले ट्युबलाइट निकै गम्भीरताका साथ निर्माण गरिएको दाबी गर्दै आइरहेका छन् । ‘छोराहरूले कुनै बेइमानी नगरीकन फिल्म बनाएका हुन्,’ उनले भनेका छन्, ‘हेरेका जति दर्शकले फिल्म एकदम मन पराए । तर, व्यावसायिक रूपमा अपेक्षा पूरा गरेन । कहिलेकाहीँ यस्तो हुन्छ ।’ सलिमले राज कपुरको ‘मेरा नाम जोकर’ र गुरुदत्तको ‘कागज के फूल’ फिल्मले पनि ट्युबलाइटको झैँ नियति भोगेको उदाहरण दिएका छन् । उनले भनेका छन्, ‘सबै कुरा समयको खेल हो ।’
करिब ९० करोड भारुमा बनेको ट्युबलाइटले हिट कहलिन कम्तीमा दुई सय करोड भारुको व्यापार गर्नुपर्दथ्यो । तर, अहिलेसम्म एक सय १५ करोड भारुमै अड्किरहेको छ ।
फिल्म व्यापार विज्ञ कोमल नाहाटाले पनि सलमान वितरकको डुबेको पैसा फिर्ता गर्न तयार भएको उल्लेख छन् । उनले ट्विटमार्फत सलमानको यो कुरा खोलेका हुन् ।
