२५ जेठ २०८३, सोमबार
विराटनगर । विराटनगर महानगरपालिका वडा नम्बर ३ को मतगणना भइरहेका बेला पङ्खा नभएको भन्दै उम्मेदवारका प्रतिनिधि निस्किएपछि मतगणना स्थगित भएको छ ।
गणना भइरहेको कोठामा पङ्खाले हावा फाल्न छाडेपछि
यस्तो गर्मीमा गणना गर्न नसकिएको भन्दै उनीहरू गणना स्थलबाट बाहिर निस्किएका थिए ।
बिग्रिएको सो पङ्खा बनाउन प्राविधिक बोलाइएको प्रमुख निर्वाचन अधिकृतको कार्यालयका सूचना अधिकारी हेम बुढाथोकीले बताए ।
पङ्खा बनिसकेपछि छिट्टै मतगणना कार्य फेरि शुरू गरिने उनले बताए ।
३ नम्बर वडाको मत गणना मंगलवारदेखि चलेको थियो । अन्य कोठामा भने मतगणना भइरहेको छ । विराटनगर ७ मा रहेको आदर्श माध्यमिक विद्यालयका ९ वटा कक्षा कोठामा मतगणना भइरहेको छ ।
