२६ जेठ २०८३, मंगलबार
भारतको सर्वोच्च अदालतले कांग्रेसी नेता तथा पूर्व क्रिकेटर नवजोत सिंह सिद्ध्रूलाई एक वर्षको कैद सजाय दिएको छ ।
सन् १९८८ मा भएको एक घटनामा सिद्धूलाई सजाय दिइएको हो । सिद्ध्रूले दुर्व्यवहार गरेकाले गुरनाम सिंह नामक व्यक्तिको मृत्यु भएको ठहर गर्दै अदालतले सजाय सुनाएको हो ।
सन् २०१८ मा सर्वोच्च अदालतले नै सिद्धूलाई सफाइ दिएको थियो । तर त्यस फैसलामा पुनरवलोकन गर्दै अदालतले कैद सजायको फैसला गरेको हो ।
अदालतको आदेशबमोजिम सिद्धूलाई पञ्जाब प्रहरीले हिरासतमा लिनेछ ।
यसअघि सिद्धूलाई एक हजार भारु तिराएर सफाइ दिइएको थियो । तर पीडित परिवारले पुनरवलोकनका लागि निवेदन दिएपछि अदालतले सिद्धूलाई कैद सजाय दिएको हो ।
