भारतको महाराष्ट्रका मुख्यमन्त्री उद्धव ठाकरेले बुधबार एकाएक पदबाट राजीनामा दिएको घोषणा गरेका छन् । भारतीय सर्वोच्च अदालतले बिहीबार उनले संसदमा आफ्नो पक्षमा बहुमत देखाउनु पर्ने फैसला गरेको केही मिनेटमै राजीनामा घोषणा गरेका हुन् । 
शिवसेनाका उनी अल्पमतमा रहेको दाबी गरिएको छ भने यहीबीचमा राज्यपाल भगत कोशियालीले बिहीबारका लागि विधानसभा बोलाएका थिए । विधानसभाबाट विश्वासको मतको प्रक्रिया थालिने भएपछि त्यसलाई रोक्न मुद्दा परेको थियो । 
तर अदालतले विधानसभा रोक्न अस्वीकार गर्दै बिहीबारका लागि विश्वासको मत लिन बाटो खुला गरिदिएको हो । 
अदालतको आदेशपछि सामाजिक सञ्जालमार्फत लाइभ आएर उनले भने, ‘प्रजातन्त्रको सबैले अनुसरण गर्नुपर्छ, हामी सर्वोच्चको आदेश मान्छौँ ।’ ठाकरेले आफूले महाराष्ट्र विधान परिषद्को सदस्य पनि त्यागेको बताएका छन् ।