१९ असार २०८३, शुक्रबार
बलिउड अभिनेत्री आलिया भट्ट र अभिनेता रणवीर कपुरले हालै आफ्ना फ्यानहरूलाई खुशीको खबर शेयर गरे ।
यो जोडीले भर्खरै आफ्नो गर्भावस्थाको खबर फ्यानहरूलाई शेयर गरेका थिए ।
विवाहको दुई महिनापछि गर्भवती भएको खबरले सबैलाई चकित बनाएको छ । तर, एक महिलाले अप्रिलमै यसबारे जानकारी दिएकी थिइन् ।
रेडिटमा एक महिलाले आलियाको गर्भावस्थाको बारेमा लेखेकी थिइन् । तर, उनको भनाइलाई अफवाह भन्दै प्रतिबन्ध लगाइएको थियो ।
अहिले भने यी महिला फर्किएकी छन् । सामाजिक सञ्जाल प्रयोगकर्ताले उनलाई सम्मान गर्न चाहेका छन् । वास्तवमा, न्यूबी फरफन नामकी एक प्रयोगकर्ताले एक पोस्टमा कमेन्ट गर्दै आलिया भट्ट स्पष्ट रूपमा गर्भवती भएको लेखेकी थिइन् ।
साथै, उनले यो खबरको स्रोत अभिनेत्रीकी एक सहायक भनेकी छन्, जुन मेकअप आर्टिस्ट हुन् ।
त्यतिबेला मानिसहरुले यो दाबीलाई गलत भनेका थिए ।
महिलाको यो कमेन्टपछि फ्यानहरुले आलियालाई निरन्तर साथ दिएका थिए ।
पछि उक्त साइटका मोडरेटरहरूले महिलाको यो कमेन्टलाई फेक भन्दै उनलाई प्रतिबन्ध लगाएका थिए । उनको पोस्ट पनि हटाइएको थियो । तर, अभिनेत्री आफैंले आफ्नो गर्भावस्थाको खुलासा गरेपछि महिला प्रयोगकर्तामाथिको सो प्रतिबन्ध हटाइएको छ ।
यसपछि धेरै सामाजिक सञ्जाल प्रयोगकर्ताले महिलाको समर्थनमा देखिए र उनलाई अवार्ड दिन माग गर्न थालेका छन् ।
प्रतिबन्ध फुकुवा भएपछि महिलाले लेखिन्– हेल्लो साथीहरू, प्रतिबन्ध हटाइएको छ । मलाई क्रेडिट दिनु भएकोमा धन्यवाद । म बुझ्न सक्छु कि यो समयमा काल्पनिक लाग्थ्यो, तर मैले स्रोतलाई विश्वास गरें ।
बलिउडको चर्चित जोडी आलिया भट्ट र रणवीर कपुरले यसै वर्ष अप्रिल १४ मा एकअर्कासँग विवाह गरेका थिए । विवाहको दुई महिनापछि अर्थात जुन २७ मा अभिनेत्रीले आफ्नो सामाजिक सञ्जाल अकाउन्टमा गर्भवती भएको खबर शेयर गरेकी हुन् ।
उनले इन्स्टाग्राममा रणवीर कपुरसँगको आफ्नो तस्वीर शेयर गरेकी छन् । तस्वीरमा आलिया र पति रणवीर कपूर अस्पतालमा देखिएका छन् । तस्वीर पोस्ट गर्दै उनले क्याप्सनमा लेखेकी छन्– हाम्रो बच्चा... चाँडै आउँदैछ ।
