योगदानमा आधारित सामाजिक सुरक्षा कोषमा आबद्ध योगदानकर्ता श्रमिकले २६ अस्पतालमा निःशुल्क उपचार पाउने भएका छन् । 

सोमवार कोषले स्वचालित विद्युतीय प्रणालीमा आधारित स्वास्थ्य सेवा प्रवाह शुरू गरेको छ । यससँगै अब देशभरका २६ अस्पतालमा कोषमा आबद्ध भएको परिचय पत्र देखाएर निःशुल्क उपचार गर्न सकिने व्यवस्था गरिएको हो ।

सो अनलाइन प्रणालीको श्रम, रोजगार तथा सामाजिक सुरक्षामन्त्री शेरबहादुर कुँवरले सोमवार उद्घाटन गरेका हुन् । 

यसअघिसम्म औषधि उपचारबापतको रकम भुक्तानी लिन कोषमा दाबी गर्नु पर्थ्यो । अब भने अस्पतालमै सुरक्षा कोषको कार्ड देखाएर निःशुल्क उपचार गर्न सकिने कोषले जनाएको छ । 

औषधि उपचार, स्वास्थ्य तथा मातृत्व सुरक्षाबापतको सुविधा लिँदा योगदानकर्ताले २० प्रतिशत भुक्तानी गरी बाँकी ८० प्रतिशत कोषले सम्बन्धित स्वास्थ्य संस्थालाई भुक्तानी गर्नेछ । दुर्घटनाबापतको सुविधा लिँदा शतप्रतिशत रकम नै कोषले भुक्तानी गर्नेछ । 

यी हुन् अनलाइन प्रणाली जडान भएका अस्पतालहरूः

• मनमोहन मेमोरियल पूर्वाञ्चल क्षेत्रीय सामुदायिक अस्पताल 
• बीएण्ड सी हस्पिटल
• मेची दृष्टि आई केयर अस्पताल एण्ड रिसर्च सेन्टर
• विराट मेडिकल कलेज एण्ड टिचिङ हस्पिटल
• नोवेल मेडिकल कलेज
• हाम्रो अस्पताल
• पशुपति मोडेल हस्पिटल
• छिनमस्ता एजुकेशनल एकेडेमी एण्ड मेडिकल कलेज
• नमूना सामुदायिक अस्पताल
• नेशनल मेडिकल कलेज
• वीरगञ्ज हेल्थ केयर
• वीरगञ्ज दृष्टि आई केयर सेन्टर
• कलेज अफ मेडिकल साइन्सेज (पुरानो मेडिकल कलेज)
• युनिभर्सल कलेज अफ मेडिकल साइन्स
• लर्ड बुद्ध एजुकेसनल फाउण्डेसन (नेपालगञ्ज मेडिकल कलेज), नेपालगञ्ज
• लर्ड बुद्ध एजुकेसनल फाउण्डेसन (नेपालगञ्ज मेडिकल कलेज), कोहलपुर
• शिर मेमोरियल अस्पताल
• हेल्पिङ ह्याण्ड सामुदायिक अस्पताल
• त्रिवी शिक्षण अस्पताल
• वीर अस्पताल
• अर्थोपेडिक अस्पताल
• दृष्टि आई केयर
• काठमाडौं मेडिकल कलेज शिक्षण अस्पताल
• पाटन अस्पताल ललितपुर
• ग्यालेक्सी अस्पताल
• अरनिको अस्पताल