११ साउन २०८३, सोमबार
नेकपा एमालेले मर्यादित संसदीय अभ्यासका लागि प्रतिनिधिसभाको उपसभामुख एमालेलाई दिनुपर्ने बताएको छ । शुक्रवार बसेको प्रतिनिधिसभा बैठकमा विद्या भट्टराईलाई उपसभामुख प्रस्ताव गर्दै एमाले सचेतक शान्ता चौधरीले सभामुख र उपसभामुख फरक दलको हुनुपर्ने दाबी गरेकी हुन् ।
संसदमा प्रतिपक्षी दलसँग सहकार्यको लागि पनि उपसभामुख दिन सत्ता पक्षका लागि मौका रहेको उनले बताइन् । ‘प्रतिनिधिसभाको कार्यकाल सकिने बेलामा उपसभामुख निर्वाचन गर्न लागिएको छ, संसदको कार्यकाल एकदिन बाँकी रहेको समयमा गरेको भए गठबन्धनलाई सजिलो हुन्थ्यो होला’ चौधरीले कटाक्ष गरिन् ।
