एफवान सफ्ट ग्रुपको प्रमुख सञ्चालन अधिकृतमा सोहम ढकाल नियुक्त भएका छन् । 

उनलाई एफवान ग्रुपको सञ्चालक समितिको बैठकले  नियुक्त गरेको हो ।  

उनीसँग २४ वर्षभन्दा बढी  सफल उद्यमीको रुपमा अनुभव छ ।

 ढकालले अमेरिकाको ओराकल सर्नर कर्पोरेशनबाट आफ्नो करियर शुरू गरेका हुन् । 

नेपाल फर्केपछि उनी एक सफल उद्यमी बन्न सफल भए । 

उनले साना किसान सहकारीलाई सफ्टवेयर उपलब्ध गराउनेदेखि विभिन्न किसिमका सफ्टवेयर निर्माण गरे ।  

उनी यसअघि भायानेटको प्रमुख सञ्चालन अधिकृतको रुपमा समेत कार्यरत थिए । 

उनले कम्प्युटर विज्ञान र गणितमा स्नातक गरेका छन् ।