भूमि एमडिआर इन्डस्ट्रिजले उत्पादन गरेको यचु हेयर तेल बजारमा आएको छ ।

काठमाडौं महानगरपालिकाकी उपप्रमुख सुनिता डंगोलले सो तेललाई एक कार्यक्रमका बीच बिहीवार सार्वजनिक गरिन् ।

कार्यक्रममा उपप्रमुख डंगोलले स्थानीय आदिवासी अभ्यासलाई ब्रान्डिङ गर्दै आर्थिक समृद्धितर्फ अघि बढ्नुपर्ने बताएका छन् ।

कार्यक्रममा डंगोलले आधुनिकताको नाममा आदिवासी अभ्यासलाई बिर्सिँदा अरुको भर पुर्न परेको विचार राखिन् ।

‘हामी अरुले प्रुफ गरेर एप्रुभ गरिदियोस् भनेर कुरेर बस्छौँ र परनिर्भरता बढेको छ । हामीसँग पहिल्यै प्रमाणित भइसकेको आदिवासी अभ्यासहरू छन्, त्यसलाई ब्रान्डिङ गरौं न’ डंगोलले भनिन् । 

कार्यक्रममा उपप्रमुख डंगोलले भूमि एमडिआर इन्डस्ट्रिजले उत्पादन गरेको यचु हेयर आयलको औपचारिक घोषणा गरेकी थिइन् । 

कार्यक्रममा कपालमा लगाउने तीन थरी तेलको घोषणा गरिएको थियो । नयाँ कपाल उमार्ने, कपाल झर्न रोक्ने र चायाँको समस्या समाधान गर्ने तेलको घोषणा गरिएको थियो । 

कपाललाई प्राकृतिक रुपमा कालो बनाउने तेल पनि योजनामा रहेको भएपनि यसको केही परिक्षण बाँकी भएको र यसलाई पनि चाँडै नै बजारमा ल्याउने भूमिका प्रवन्ध निर्देशक उज्जवल मानन्धरले बताए । 

३३ थरीका विभिन्न प्राकृतिक जडिबुटिलगायतका वस्तुहरुको समिश्रणबाट यी तेल बनाएको कम्पनीले जानकारी दिएको छ । 

तीन वर्षको अनुसन्धान र परीक्षणपछि यचु हेयर आयल बनाउन सफल भएको प्रबन्ध निर्देशक मानन्धरले बताए । 

कपाल झर्ने, कपाल नउम्रिने र चायाँ लगायतका समस्यामा यस तेलको सफल परिक्षण भइसकेको र परिणाम पनि राम्रै पाएको मानन्धरले दाबी गरे ।

‘यहि तेलबाट हामीले करीब एक महिना निःशुल्क शिविर चलायौँ । कपाल नभएकाहरुको पनि कपाल बढेको, चायाँको समस्या समाधान भएको पाइएको छ । कसैले पनि यसको बारे नराम्रो प्रतिक्रिया दिनुभएको छैन’ मानन्धरले भने ।

कपालको समस्यालाई लिएर आफैंले अनुमानको भरमा तेल प्रयोग नगर्न र विज्ञको सल्लाह अनुसार यचु तेल प्रयोग गर्न मानन्धरले अनुरोध गरे । 

सहि ढङ्गले तेलको प्रयोग गरेमा कपाल सम्वन्धि समस्या ग्यारेन्टीका साथ समाधान हुने मानन्धरले दावी गरे । 

सोही कार्यक्रममा यचु हेयर आयललाई लिएर भएको टिकटक प्रतियोगिताका विजयी प्रतियोगी ३ जनालाई जनही १०/१० हजार र एक मेगा विजेतालाई एक लाख नगद पुरस्कार पनि प्रदान गरिएको थियो ।