सम्बन्ध (रिलेसनसीप)मा रहने व्यक्तिहरू अधिकांशले झुट बोलिरहेका हुन्छन् । आफ्नो पार्टनरसँग झुट बोल्नुपर्ने धेरै कारणहरू हुनसक्छ । कतिपय अवस्थामा झुट बोल्नु ‘बाध्यता’ पनि हुनसक्छ । भुक्तभोगीहरूका अनुसार कहिले आफ्ना पार्टनरलाई दुःखी नबनाउनका लागि झुट बोल्नुपर्ने अवस्था आइपर्छ भने, कहिले आफ्नो कुरा सावित गर्नका लागि पनि झुटको साहारा लिनुपरेको छ । 
अधिकांश पुरुषले यी ८ झुट आफ्नो पार्टनरसँग बोल्ने गरेको अध्ययनहरूले देखाएको छ । 

म एकल (सिंगल) छु

अधिकांश पुरुष रिलेसनसीपमा बसिरहेको अवस्थामा पनि अर्को कुनै महिलासँग आकर्षित भएमा सजिलै ‘म एकल (सिंगल) छु’ भनिदिन्छन् । उनीहरू आफूलाई मन परेको महिलाले बोल्न बन्द नगरोस् भनेर झुट बोल्ने गरेको बताउने गर्छन् । 

म उसलाई हेरिरहेको थिइनँ

आफ्नो पार्टनरसँगै बसिरहेको अवस्थामा पनि कोही सुन्दर महिला नजिकै भएमा पुरुषहरू एकोहोरो हेर्न थाल्छन् । यस्तोमा पार्टनरले उसलाई गाली गर्छिन् । पार्टनरले गाली गरेको बेला अधिकांश पुरुषले ‘मैले ती महिलालाई हेरेको थिइनँ’ भनेर सजिलै ढाँट्छन् । त्यस्ता पुरुषले अचानक आफू गहिरो सोचमा परेको बहाना बनाउँछन् । 

मैले कहिले पनि धुम्रपान गरेको छैन, वा चुरोट छाडिसके 

रिलेसनसीपमा रहेका अधिकांश महिलाले आफ्ना पुरुष साथीले धुम्रपान परेको मन पराउँदैनन् । त्यस्तो अवस्थामा महिलाले धुम्रपानको विषयमा पार्टनरसँग चासो राख्दा पुरुषले ‘मैले कहिले पनि धुम्रपान गरेको छैन’ वा गर्नेले पनि ‘धुम्रपान गर्न छाडिसके’ भनेर झुट बोल्छन् । यदी यसको कपडाबाट चुरोटको गन्ध आएमा उसले सँगै बसेको साथीले पिएको थियो भनेर सजिलै ढाँटिदिन्छन् । 

म केवल तिम्रो बारेमा मात्र सोच्छु 

अधिकांश पुरुषहरूले आफ्नो पार्टनरको मन जित्नका लागि उसलाई ‘म केवल तिम्रो बारेमा मात्र सोच्छु’ भनेर भनिदिन्छन् । तर, वास्तवमा त्यस्तो हुँदैन । 

म तिमीबिना एक दिन पनि बस्न सक्दिन 

केही चलचित्रहरूमा पुरुषले आफ्नो पार्टनरलाई फोनमा ‘म तिमीबिना एक दिन पनि बाँच्न सक्दिनँ’ भन्छ । तर, फोन राख्ने बित्तिकै तुरुन्त पार्टी शुरू हुन्छ । वास्तविक जीवनमा पनि धेरै पुरुषले आफ्नो पार्टनरको मन राख्न यस्तो झुट बोलिरहेका हुन्छन् । 

पैसाको सम्बन्धमा झुट 

विवाह पहिले अधिकांश पुरुषले आफूलाई मन परेको महिलालाई आकर्षित गर्न आफूसँग धेरै पैसा भएको बताउँछन् । तर, त्यही पुरुष विवाहपछि पैसा हुँदाहुँदै पनि आफ्नो पत्नीसँग पैसा नभएको भनी झुट बोल्छन् । 

विवाह पहिले शारीरिक सम्बन्ध 

अधिकांश पुरुषले रिलेसनसीपमा बस्नुपूर्व आफ्नो पार्टनरलाई विवाह पहिले शारीरिक सम्बन्ध नराख्ने बताउँछन् । तर, रिलेसनसीपमा आउने बित्तिकै पुरुषको बाचा काम लाग्दैन । अरु त्यसअघि अरु कोहीसँग शारीरिक सम्बन्ध नभएको पुरुषहरूले बोल्ने आम झुट हो ।   

तिमी पहिलो केटी हौ, जोसँग मैले माया गरेँ

अधिकांश केटाहरू आफ्नो पत्नी वा प्रेमिकालाई उ नै पहिलो प्रेमिका भएको वा उसँग मात्र जीवनमा पहिलोपटक प्रेममा परेको भनेर झुट बोल्ने गर्दछन् । त्यस्तो केटाको विगतमा धेरै प्रेमिका भए पनि अधिकांशले त्यो कुरा वर्तमानमा रहेको प्रेमिकालाई बताउँदैनन् ।