२९ जेठ २०८३, शुक्रबार
रुसले अमेरिकी डलरको प्रभुत्व भत्काउनका लागि बैंकिङ प्रणाली स्विफ्टको विकल्प आफ्ना व्यापारिक साझेदारहरूलाई उपलब्ध गराउने प्रस्ताव राखेको छ ।
शांघाई कोअपरेसन अर्गनाइजेसनका १८ सदस्य तथा सहयोगी राष्ट्रलाई मस्कोले स्विफ्टको विकल्पको प्रस्ताव गरेको हो ।
अमेरिकी डलर र युरोलाई बहिष्कार गर्दै राष्ट्रिय मुद्रामा कारोबार गर्ने रुसको प्रस्ताव छ ।
‘हाम्रा बैंकहरूबीच अबाधित सहकार्यलाई सुनिश्चित गर्नका लागि हामी संगठनका सदस्यहरूलाई रुसी फाइनान्सियल मेसेजिङ प्रणालीमा जोडिन सुझाव दिन्छौं,’ आर्थिक विकास मन्त्री म्याक्सिम रेशेत्निकोभले मंगलवार एससीओ सदस्यहरूलाई भिडियोमार्फत सम्बोधन गर्दै बताए ।
रुसले स्विफ्टको विकल्पका रूपमा एसपीएफएस ल्याएको छ ।
राष्ट्रिय मुद्रामा गरिने भुक्तानीको सकारात्मक परिणाम देखिन थालिसकिएको उनको भनाइ छ । उदाहरणका लागि, रुस र चीनबीचको कारोबारको एक चौथाइ हिस्सा रुबल र युआनमा भइरहेको छ ।
