लोकप्रिय टू–ह्वीलर्स कम्पनी टीभीएसले शनिवार चितवनको प्रसिद्ध पर्यटकीय स्थल सौराहामा रोमाञ्चक राइडको आयोजना गरेको छ । टीभीएसले अपाचे ओनर ग्रुप (एओजी) नामक रोमाञ्चक राइडअन्तर्गत नारायणगढको मल्लश्री मोटर्स प्रालिबाट सौराहाको होटल पार्क ल्याण्डसम्म राइड आयोजना गरिएको हो । त्यस क्रममा ४० जना राइडर सहभागी भएका थिए ।

बाइक राइडमा सहभागी वसन्त रानाले सवारी तथा सडक सुरक्षा सम्वन्धी जानकारी दिएका थिए । उनले भने ‘हामीले सडक सुरक्षासम्बन्धी थप जानकारी दिने मौका पाएका छौँ । यो हाम्रो लागि गर्वको कुरा हो । नेपालको पर्यटकीयस्थल चितवनमा यस किसिमको कार्यक्रमको आयोजना हुनु स्वागतयोग्य छ ।’ उनले यस्ता कार्यक्रम आगामी दिनमा पनि हुँदै जाने अपेक्षा व्यक्त गरे । 

त्यस क्रममा ब्लगर अरुण लम्सालले पनि आफ्नो तर्फबाट मन्तब्य राखेका थिए । उनले अन्य ब्राण्डले यस किसिमको कार्यक्रम चितवन क्षेत्रमा नगरेको तर टीभीएसले गरेकोमा खुशी ब्यक्त गरे ।

टीभीएसले हालसम्म एओजी राइडकार्यक्रम अन्तर्गत काठमाडौं, कोशी, गण्डकी र लुम्बिनी च्यापटरमा सम्पन्न गरिसकेको छ । यो अभियानमा सहभागीहरुले यसलाई उत्कृष्ट भनेका छन् । यो कार्यक्रम आगामी समय सेती, बाँके र मेची च्याप्टरमा गर्ने तयारी छ । 

जगदम्बा मोटर्स प्रा. लि. नेपालमा टीभीएस टु–ह्वीलर्सको लागि एक मात्र आधिकारिक वितरक हो । नेपालभर १३२ भन्दा बढी डिलरहरूको बलियो राष्ट्रव्यापी वितरण सञ्जालका साथ टीभीएसले बजारमा आफ्नो मजबुत पकड राख्न सफल भएको कम्पनीको दाबी छ । 

गुणस्तरीय उत्पादनहरू, बिक्रीपश्चातको व्यापक सेवा र देशभरमा जगेडा पार्टपूर्जाहरूको उपलब्धतामार्फत उपभोक्तालाई दिइएको उच्चतम सन्तुष्टिका कारण टीभीएस नेपालको सबैभन्दा ज्यादा रुचाइएको टू–ह्वीलर ब्राण्ड बनेको कम्पनीको दाबी छ ।