०७ असार २०८३, आइतबार
आफ्नै पार्टीकी नेत्रीसँग रोमान्स गरिरहेको बेला पत्नीले रङ्गेहात फेला पारेका उत्तर प्रदेशको कानपुरका भारतीय जनता पार्टी (भाजपा) नेता मोहित सोनकरलाई पार्टीबाट निष्कासन गरिएको छ ।
रङ्गेहात फेला पारेपछि पत्नी र ससुरालीपट्टिका व्यक्तिले मोहितलाई कुटेका थिए । नेतासँग रोमान्स गर्ने नेत्रीलाई समेत पार्टीले निष्कासन गरेको भारतीय सञ्चारमाध्यमले जनाएका छन् ।
मोहितलाई पत्नीले कुटेको भिडियो सामाजिक सञ्जालमा भाइरल भएको थियो । यो घटना शनिवार राति भएको हो ।
यसअघि नै मोहितकी पत्नीले आफ्ना पति र भाजपा नेत्रीको चक्करबारे प्रहरीमा निवेदन दिएकी थिइन् । उनले दुवै जना बिहे गर्न लागेको सूचना समेत दिएकी थिइन् । यस्तै बेला दुवै जना रोमान्स गरिरहेको अवस्थामा रङ्गेहात फेला परेका हुन् ।
यसअघि समेत दुवै जना रेलवे ग्राउन्डमा समेत रङ्गेहात फेला परेका थिए । तर प्रहरीसामु आफू नेता भएको परिचय दिएर उन्मुक्ति पाएका थिए । त्यतिबेला दुवैले प्रहरीसामु माफी समेत मागेका थिए ।
