०१ असार २०८३, सोमबार
संयुक्त राष्ट्रसंघको आणविक निगरानी संस्था इन्टरनेसनल एटमिक इनर्जी एजेन्सीका प्रमुख राफेल ग्रोसी रुसी नियन्त्रणमा रहेको युक्रेनी क्षेत्र जापोरिझझिया आणविक भट्टी निरीक्षणका लागि यसै साता जाने भएका छन् ।
उक्त आणविक भट्टीमा विगत केही दिनयता आक्रमण भइरहेको छ । रुस र युक्रेन दुवैले एकअर्कालाई आक्रमणको दोष लगाइरहेका छन् ।
ग्रोसीले सोमवार एक ट्वीट गर्दै आफूहरू जापोरिझझिया जान लागेको बताए ।
उनको नेतृत्वमा रहेको टोलीले भट्टीमा कुनै भौसतक क्षति पुगे नपुगेको मूल्यांकन गर्नेछ । त्यसका साथै सुरक्षा प्रणाली सञ्चालनमा छ कि छैन, कर्मचारीहरूको अवस्था कस्तो छ र तत्कालै अपनाउनुपर्ने सुरक्षाउपाय के हुन् भन्ने विषयमा पनि मिसनले छानबिन गर्नेछ ।
