नेपाल क्लियरीङ्ग हाउस लिमिटेडले आफ्ना सदस्य बैंक तथा वित्तीय संस्थाहरुसँगको सहकार्यमा मोवाइल बैंकिङ्गबाट गरिने फण्ड ट्रान्सफरमा ‘ट्वीस्ट अफ २’ अफर सार्वजनिक गरेको छ । 

सो अफर अन्तर्गत हरेक हप्ता मोवाइल बैकिङ्गको प्लेटफर्मबाट कम्तीमा दुईवटा फण्ड ट्रान्सफर गर्ने मोवाइल बैंकिङ्ग प्रयोगकर्ताहरुमध्ये १०२ जनाले रु. १०२ क्यासब्याक प्राप्त गर्न सक्ने कम्पनीले जनाएको छ । 

भाद्र १९ गते देखि शुरू भएको सो अफर आगामी असोज २९ गतेसम्म लागु हुने कम्पनीले जनाएको छ ।

आइतवारदेखि शनिवारसम्मको समयावधिमा लकी ड्र मार्फत साप्ताहिक विजेताहरु छानिने छन् । 

साथै अफरबारे हरेक जानकारी हरेक हप्ताको अन्त्य पछी www.connectips.com मा प्रकाशन गरिने कम्पनीको भनाइ छ । 

फण्ड ट्रान्सफर गर्नका निम्ती आफ्नो मोवाइल बैंकिङ्ग एपमा लग–इन गरी, फण्ड ट्रान्सफर वा सेन्ड मनीमा क्लिक गरी फण्ड ट्रान्सफर गर्न कनेक्ट आईपीएसलाई छनोट गर्नुपर्ने हुन्छ ।

मोबाइल बैंकिङ्गबाट फण्ड ट्रान्सफर गर्न कनेक्ट आईपीएस एक न्यूनतम शूल्क लाग्ने सजिलो माध्यम भएको समेत कम्पनीको भनाइ छ ।