१६ असार २०८३, मंगलबार
काठमाडौं, १७ साउन — कपिल शर्माको शोको टीआरपी घट्दै गएकाले शो नै बन्द होला भनी धेरैले अनुमान गरिरहेका थिए ।
अनि कपिलका कट्टर दुश्मन कृष्णा अभिषेकले पनि उनलाई टक्कर दिनका लागि सोनी च्यानलमै 'द ड्रामा कम्पनी' नामक एक कमेडी शो ल्याएका छन् । तर यो शोको टीआरपी पनि राम्रो छैन र शायद यो बन्द हुने अवस्थामा छ ।
'द ड्रामा कम्पनी'ले अनेकौं कोशिश गरेपनि दर्शकलाई हँसाउनै सकेन । शोमा टन्नै कलाकारहरू भएपनि झुर फर्म्याट र कमजोर पन्चलाइनहरूका कारण कपिलको छेउमा राख्न समेत नसुहाउने छ यो ।
एकताका कृष्णा र सुदेश लाहिडीको जोडीले मानिसहरूलाई खुबै हँसाउँथ्यो तर अहिले उनीहरू बोर गरिरहेका छन् । फरक विधाका स्टारलाई बोलाएर उनीहरूले कमिक एक्ट देखाएपनि दर्शक पटक्कै प्रभावित भएका छैनन् ।
मनोरञ्जन वेबसाइटहरूका अनुसार शोका निर्माताहरू नै यसको चिसो प्रतिक्रियाका कारण निराश छन् । उनीहरूले कृष्णा अभिषेकलाई शोको होस्ट समेत गर्न दिएका छैनन् ।
उनको साटो करण ग्रोभरलाई होस्ट गर्न बोलाइएको छ ।
अब केही अन्य एपिसोडमा दर्शक पाइएन भने शो नै बन्द गरिने सम्भावना रहेको बताइएको छ ।
कपिललाई छोडेर द ड्रामा कम्पनीमा आएका अली असगर पनि कपिलकै शोमा फर्कने मनसुबा बनाइरहेको बुझिन्छ ।
एजेन्सी
