दोलखा, १८ साउन - श्रीमतीको अनुहारमा तातो तेल खन्याएर मार्न खोज्ने श्रीमान्लाई प्रहरीले मंगलबार पक्राउ गरी आज सार्वजनिक गरेको छ ।

गएको जेठ २२ गते श्रीमतीको अनुहारमा तातो तेल खन्याएर फरार रहेका बैतेश्वर गाउँपालिका–६ का ३६ वर्षीय कुमार तामाङलाई प्रहरीले पक्राउ गरी सार्वजनिक गरेको हो ।

तामाङले गएको जठ २२ गते श्रीमती उर्मिला तामाङलाई मासु पकाउन तताइएको तेल अनुहारमा खन्याएर गम्भीर घाइते पारेका थिए ।

तामाङलाई ज्यान मार्ने उद्योगअन्तर्गत मुद्दा दर्ता गरिएको छ । उर्मिला केही दिनअघि काठमाडाँैस्थित त्रिभुवन शिक्षण अस्पतालमा उपचार गराई घर फर्केकी छन् ।