ललितपुर, २० साउन– ललितपुर जिल्ला समन्वय समितिको प्रमुखमा नेपाली काँगे्रेसका उम्मेदवार अम्बरबहादुर खड्का निर्विरोध भएका छन् ।
समितिमा आज भएको निर्वाचनमा नेकपा माओवादी केन्द्रका उम्मेदवार दिनेश महर्जन उपप्रमुखमा विजयी भएका छन् ।
त्यसैगरी सदस्यहरुमा काँग्रेसका उमा बर्जाचार्य (श्रेष्ठ), बेली डंगोल, ज्ञानकुमार नगरकोटी, जयराम तिमल्सिना र लेखाराम महर्जन, तथा माओवादी केन्द्रका तर्फबाट निशा गुरुङ र सुमित्रा लाम नेपाली विजयी बन्नुभएको मुख्य निर्वाचन अधिकृत बालकृष्ण दवाडीले बताए ।
समितिको निर्वाचनमा नेपाली काँग्रस र माओवादी केन्द्रको गठबन्धन विजयी भएको हो ।
