मुम्बई, २० साउन– बलिउड अभिनेता शाहरुख खान फिल्मका ‘वादशह’ मानिन्छन् । तर उनी आफ्ना फ्यानमाझ पनि कुनै राजाभन्दा कम छैनन् ।
यहाँसम्मकी उनका केही फ्यानले त उनलाई भगवान नै मान्छन् । यस्तै एक अजीव दृश्य शुक्रबार भारतको चेन्नेईमा देखियो । जहाँ एक चलचित्र हल अगाडि उनका फ्यानहरु उनको तस्वीरमा पूजा गरिरहेका थिए । तस्वीरमा फ्यानहरुले फलफूल तथा दुध पनि चढाए ।
शुक्रबार शाहरुख खान अभिनित फिल्म ‘जब हैरी मेट सेजल’ रिलिज भएको छ । सोही अवसरमा फ्यानहरुले उनको पूजा गरेका हुन् ।
धेरै ठाउँमा केक काटेर पनि शाहरुख खानको फिल्म रिलिज भएको खुसीयाली मनाइएको खबर सार्वजनिक भएका छन् । यसअघि शाहरुख अभिनित धेरै फिल्म फ्लप भएका छन् ।
यस्तो ‘पागलपन’ अहिलेसम्म साउथ इन्डियन स्टार रजनीकान्तका लागि मात्रै देखिन्थ्यो । उनका हरेक फिल्म रिलिज हुँदा फ्यानहरुले रजनीकान्तको प्रतिमा नै स्थापना गरेर पूजा गर्ने गर्छन् ।
