नेपाली क्रिकेटका निलम्बित कप्तान सन्दीप लामिछानेलाई आज (विहिबार) हिरासतमा राख्न थप अनुमति लिनका लागि काठमाडौं जिल्ला अदालत लगिँदै छ । 

नाबालिग बलात्कारको अभियोग लागेका लामिछानेलाई २० गतेदेखि लागू हुने गरि ७ दिनका लागि म्याद थप गरिएको थियो । 

त्यो समय आज सकिएपछि प्रहरी थप समय हिरासतमा राख्नका लागि म्याद थप गर्न अदालत लैजान लागको हो । 

उनलाई १७ वर्षीया भनिएकी किशोरीलाई बलात्कार गरेको भन्दै गत भदौ २१ गते प्रहरी वृत गौशालामा जाहेरी परेको थियो । 

किशोरीले आफूलाई ५ गते काठमाडौंको एक होटलमा बलात्कार  गरेको बताएकी छन् । 

यता निलम्बित कप्तान लामिछानेले आफू निर्दोष भएको र किशोरीको उमेर १८ वर्ष माथि भएको बताउँदै आएका छन् ।