भदौ १७, २०८०
काठमाडौं महानगरपालिकाका प्रमुख बालेन्द्र शाह (बालेन)ले ‘सिंहदरबारमा आगो लगाइदिन्छु’ भन्दै शुक्रवार राति दिएको अभिव्यक्तिको चौतर्फी आलोचना भएको छ । सरकारी मर्यादाक्रममा मुख्यसचिव ...
असोज २७, २०७९
थापाथलीको ट्राफिक जाममा रोकिएका बेला कलंकी जाने शुभकामना यातायातको एउटा मिनी बसमा मेरो नजर पर्यो । एकजना महिला ढोकामा उभिएर सानो आवाजमा त्रिपुरेश्वर, कालिमाटी, कलंकी भनेर यात्रु बोलाउँदै थिइन् ।
त्यो दृश्यले मेरो ध्यान खिच्यो । उनलाई भेटेर केही जिज्ञासा राख्ने उत्सुकता जाग्यो । अनि पछ्याउँदै बससम्म पुगें । र, सोधें के तपाईं यो बसको कन्डक्टर हो ? मुन्टो हल्लाउँदै भनिन्- हो ।
अनि फेरि सोधें– 'चालक नि !' उनले भनिन्, 'मेरो श्रीमान' । मलाई झन् गज्जब लग्यो । त्यसपछि सोही बसमा चढेर कलंकीसम्म र कलंकी हुँदै फेरि बालकोटसम्म पुगेर दृश्यावलोकन गरें ।
सो क्रममा श्रीमान्, श्रीमती दुवै जनासँग छोटो कुराकानी गर्ने अवसर पनि जुर्यो । श्रीमानको नाम वीरबहादुर वाइवा तामाङ, श्रीमती पार्वती तामाङ, घर धादिङ ।
५ वर्षदेखि उनीहरू मिलेर गाडी हाँकिरहेका छन् ।
२० वर्ष अगाडि गाउँबाट काठमाडौं छिरेको यो जोडीका २ सन्तान छन्- एक छोरा, एक छोरी । 'बच्चाहरू काखे हुँदा काठमाडौं आएका हामी शुरूबाटै यही पेशामा लाग्यौं,' वीरबहादुरले भने ।
पार्वतीले शुरूमा ट्याम्पो चलाउँथिन् । 'मलाई भित्रैदेखि इच्छा लागेर सिकेकी हुँ । बुढाले नै सिकाएको हो । अब त यो लाइनमा हिँड्दा हिँड्दै बुढी भइसकें,' पार्वतीले भनिन् ।
सफा टेम्पो बेचेर मिनीबस
अलग–अलग बसेर सवारी चलाउनुभन्दा दुवैजना संगै बसेर आफ्नै सवारी चलाउँदा अझ राम्रो हुने सोचेर टेम्पो बेचेको उनीहरूले बताए ।
त्यसपछि टेम्पो बेचेको थोरै रकम र सहकारीबाट थप ऋण लिएर किस्तामा मिनी बस किनेर बालकोट-कलंकी रुटमा चलाउन थालेका थिए ।
'जम्मा १४ लाखमा सेकेन्ड ह्यान्ड किनेको, यो बस अहिले भर्खर बल्लबल्ल किस्ता चुक्ता भयो,' श्रीमान् वीरबहादुरले भने।
दुवैजना गाडी लाइनकै भएकाले उनीहरूलाई काम गर्न सहज भएको वीरबहादुरले बताए।
'अर्को खलासी राखेको भए यति छिटो किस्ता नै तिर्न सकिँदैन थ्यो,' उनले भने ।
कुनै महिना त उनीहरूले १ लाख रकमसम्म बचत गरेको उनीहरूले बताए । अहिले तेलको मूल्य बढेकाले आम्दानी केही कम भएको उनको भनाइ छ ।
के भन्छन् यात्रु ?
कौशलटारकी रश्मी बजगाईं २-३ वर्षदेखि निरन्तर उनीहरूकै बसमा चढ्छिन् ।
कारण सोध्दा उनले भनिन्, 'दिदीको बोलीवचन एकदमै राम्रो लाग्छ । पुरुषमा रुखो बोली हुन्छ । मलाई उहाँको गाडीमा चढ्दा सहज अनुभव हुन्छ । महिला भएर यति धेरै मेहनत गर्नुहुन्छ, मलाई भित्रैबाट उहाँप्रति सम्मान लाग्छ ।'
कलंकीबाट चढेका यात्रु जीवन खनाल पनि प्रायजसो यही बसमा चढ्दा रहेछन् ।
'मसँग कहिलेकाहीँ चेञ्ज नहुँदा वा ५/१० रुपैयाँ नपुग्दा पनि उहाँले केही भन्नुहुन्न । म अर्को दिन ल्याएर दिन्छु,' खनालले भने, 'तर, पुरुष कन्डक्टरलाई पैसा पुग्दैन भन्दा नराम्रो शब्द प्रयोग गरेर मुखै छाड्छन्, सहनै सकिँदैन ।'
उनले पार्वतीलाई ट्याक्सी चलाउन सुझाव दिए ।
'उहाँ बहिनीलाई म ट्याक्सी चलाउन सल्लाह दिन्छु, किनकी पुरुष ट्याक्सी चालकले यात्रुलाई ठग्ने गरेका छन्,' उनले भने ।
कौशलटारकै राजु रोकाले पनि उनीहरूको प्रशंसा गरे । 'श्रीमान् श्रीमती निकै मिलेर गाडी चलाएको देखिन्छ । उहाँहरूको निकै राम्रो तालमेल र प्रेम छ,' रोकाले भने ।
काठमाडौं महानगरपालिकाका प्रमुख बालेन्द्र शाह (बालेन)ले ‘सिंहदरबारमा आगो लगाइदिन्छु’ भन्दै शुक्रवार राति दिएको अभिव्यक्तिको चौतर्फी आलोचना भएको छ । सरकारी मर्यादाक्रममा मुख्यसचिव ...
हरिबोधनी एकादशीको अवसरमा काठमाडौंको बूढानिलकण्ठ मन्दिरमा सप्ताह ज्ञान महायज्ञ भइरहेको छ । बूढानिलकण्ठ नारायण मन्दिर व्यवस्थापन समितिको आयोजनामा बिहीवारदेखि उक्त सप्ताह महायज्ञ शुरू भएको हो । ...
खोला किनारमा निर्माण भएका सडकले काठमाडौं उपत्यकाको सवारी आवागमनलाई केही हदसम्म भए पनि सहज बनाएको छ । काठमाडौंको बागमती, विष्णुमती, मनोहरा, धोबीखोला, नख्खु खोला, टुकुचा, हनुमन्ते, रुद्रमतीलगायत...
साउन २ गते समातिएको ६० किलो सुन तस्करीको अनुसन्धानका क्रममा भन्सारका कर्मचारीहरू पक्राउ पर्न थालेपछि उनीहरू आन्दोलित भएका हुन् । सामुहिक सरुवा माग गरेका कर्मचारीले सरुवा नभएपछि आइतवारदेखि आन्दोलन श...
पूर्वनिर्धारित डिजाइनअनुसार काम गर्न समस्या भएको भन्दै केही महिनाअघि रोकिएको 'ग्वार्को फ्लाइ ओभर'को (ओभरपास) निर्माण कार्य अहिले द्रुत गतिमा अगाडि बढेको छ । प्राविधिक टोलीले अध्ययन पूरा गरि रि-डिजाइन...
'राष्ट्र, राष्ट्रियता, धर्म-संस्कृति र नागरिक बचाऊ' अभियानका नाममा मेडिकल व्यवसायी दुर्गा प्रसाईंले आयोजना गरेको प्रदर्शनका क्रममा बल्खुमा तनाव उत्पन्न भयो । दुर्गा प्रसाईं, राप्रपा सांसद ज्ञानबहादुर शाहील...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...
सच्चा लोकतन्त्रमा सिमान्तमा रहेको नागरिकले पनि यो देश मेरो हो भन्ने अनुभूति गर्न सक्नेछ- माहात्मा गान्धी । माथि गान्धीको भनाइ किन उद्धृत गरिएको हो भने नयाँ वर्षको आगमन भैसकेको छ र २०८० को बिदाइ बडो हर्षपूर्वक...
एक दिन काम विशेषले नयाँ सडकतिर गएको थिएँ, मोबाइल टिङटिङ गर्यो । हेरेँ पुराना मित्र जयदेव भट्टराई, सम्पादक मधुपर्क (हाल अवकाश प्राप्त) ले सम्झेका रहेछन् । हामी दुई लामो समयसम्म सँगै रह्यौँ, कहिले गोरखापत्र...