२८ जेठ २०८३, बिहीबार
युक्रेनी सेनाले देशको दक्षिणी भागमा रहेको खर्सन क्षेत्रमा विशाल स्तरको सैन्य कारवाही चलाउन प्रयास गरेकोमा ठूलो क्षति बेहोर्नुपरेको छ ।
उक्त क्षेत्रका सबै युद्धमोर्चाहरूमध्ये युक्रेनी आक्रमणको मुख्य केन्द्र नीपर नदीको दक्षिणी किनारा थियो ।
रुसी प्रतिरक्षाका लागि भत्काउँदै युक्रेनी सैनिकहरूको ठूलो समूह नोभाया काखोव्का र बेरिस्लाभ शहरहरूमा पुग्न खोजेको भए पनि त्यसमा असफल रह्यो ।
युक्रेनी सैनिकहरूले शनिवार बिहानबाट आक्रमण थालेका थिए । शुरूमा युक्रेनको आर्टिलरी र एमएलआरएसले रुसी सैनिकहरूमाथि भयंकर गोलाबारी गरेको थियो ।
आर्टिलरीको सुरक्षामा रहँदै युक्रेनी सेनाको सानो आक्रमण टुकडीले सशस्त्र वाहनहरूमा चढी डुडचानी–मिलोभो सडकलाई रुसी सेनाको पहुँचबाट वञ्चित गर्न खोजेको थियो ।
उनीहरूको पछिपछि दर्जनौं युक्रेनी ट्यांक र पैदल सेनाका वाहनहरू पनि युक्रेनी सेनाको नियन्त्रण क्षेत्रको विस्तारका लागि गएका थिए ।
पैदलसेनाका दुईवटा बटालियनले करीब ३० वटा ट्यांक र ५० वटा लडाकू वाहनको सहयोगमा आक्रमण गरेका हुन् ।
युक्रेनी सेनाको यस चाललाई रुसीहरूले निगरानी ड्रोनबाट पत्ता लगाए अनि भयंकर आर्टिलरी प्रहारका साथ जवाफ फर्काए । रुसी लडाकू विमानहरूले खुला मैदानमा अघि बढिरहेका शत्रु सैनिकहरूमाथि गोलाबारुद बर्सायो ।
युक्रेनी सेनाको आक्रामक कारवाहीविरुद्ध रुसले कठोर जवाफ फर्काएपछि युक्रेनले भारी क्षति बेहोर्नुपरेको छ । युक्रेनले जगेडा सैनिकहरूलाई युद्धभूमिमा ल्याउन कोशिश गरेको भए पनि रुसी सेनाले त्यसो हुन दिएन ।
प्रारम्भिक आकलनअनुसार, युक्रेनले १०० भन्दा बढी सैनिक गुमायो । कम्तीमा १५ वटा युक्रेनी ट्यांक र २० वटा लडाकू वाहन पनि ध्वस्त भएका छन् ।
रुसी सेनाले खर्सन र जापोरिजा क्षेत्रमा युक्रेनी आक्रमणलाई असफल बनाएको छ । युक्रेनी सेनाले लुगान्स्कमा आक्रमण गर्न सकेको छैन भने डोनेत्स्कमा पनि ऊ पछि हटिरहेको छ ।
रुसले युक्रेनी मोर्चाको नयाँ शीर्ष कमान्डर ल्याएपछि अनि हालै परिचालन गरिएका सैनिकहरूलाई युद्धभूमिमा तैनाथ गरेपछि सफलता पाइरहेको हो ।
