नेपालका लागि अमेरिकाका नवनियुक्त राजदूत डीन आर टमसनले शुक्रवार राष्ट्रपति विद्यादेवी भण्डारीसमक्ष ओहदाको प्रमाणपत्र पेश गरेका छन् । 

त्यसपछि टमसनले आफ्नो आधिकारिक ट्विटर अकाउन्टमा लेखे, ‘नेपालका लागि अमेरिकी राजदूतका रूपमा सेवा गर्न पाउँदा गौरवान्वित भएको छु । नेपालका नेता र जनतासँग मिलेर काम गर्नेछु । विगत ७५ वर्षदेखि अमेरिका र नेपालबीचको द्विपक्षीय सम्बन्धको सफलता आगामी ७५ वर्षसम्म पनि कायम रहने सुनिश्चित गर्नका लागि मिलेर काम गरिनेछ ।’