किष्ट शिक्षण अस्पतालले ५१ जना बिरामीहरूको सफल मृगौला प्रत्यारोपण गरेको छ । 

अस्पतालले बुधवार एक विज्ञप्ति जारी गर्दै यसबारे जानकारी गराएको हो ।

विज्ञप्तिमा भनिएको छ,‘२०७८ बैशाख ८ गते पहिलो मृगौला प्रत्यारोपण गरेकोमा अहिलेसम्म ५१ जना बिरामीहरूको शतप्रतिशत सफलताका साथ मृगौला प्रत्यारोपण गरिएको छ ।’

अस्पतालले विगत ११ वर्षदेखि मृगौला रोगीहरूलाई हेमोडाईलासिस सेवा प्रदान गर्दै आइरहेको छ । 

विगत ४ वर्षदेखि विपन्न नागरिकहरुलाई निःशुल्क सेवा समेत प्रदान गर्दै आइरहेको अस्पतालले जनाएको छ ।

अस्पताललाई स्वास्थ्य तथा जनसंख्या मन्त्रालय मातहतको अङ्ग प्रत्यारोपण समन्वय समितिको सचिवालयले २०७७ फागुन १८ गते अस्पताललाई मृगौला प्रत्यारोपण कार्यको स्वीकृति प्रदान गरेको थियो । 

अस्पतालले प्रत्यारोपणका लागि न्यूनतम् शुल्क राखी प्याकेजमा सेवा दिँदै आएको जनाएको छ । 

अस्पतालले निर्धारण गरेको प्याकेजको खर्च चार लाख पचास हजार रुपैयाँबाट शुरू हुने अस्पतालको भनाइ छ