१६ असार २०८३, मंगलबार
नेकपा एमालेका वरिष्ठ उपाध्यक्ष एवं काठमाडौं क्षेत्र नम्बर ५ का प्रतिनिधिसभा सदस्यका उम्मेदवार ईश्वर पोखरेलले मुलुकको आर्थिक विकास र समृद्धिका लागि एमालेको सरकार आवश्यक रहेको बताएका छन् ।
शुक्रबार काठमाडौंमा बागमती प्रदेशस्तरीय बृहत सहकारीकर्मी भेलालाई सम्बोधन गर्दै वरिष्ठ उपाध्यक्ष पोखरेलले औधोगिक क्षेत्र, राजमार्ग, अस्पताल लगायतका पूर्वाधारको निर्माणको थालनी एमाले नै गरेको बताए । उनले अहिलेको मुख्य कार्यभार राजनीति स्थायित्व रहेकाले पनि राजनीतिक स्थायित्व नभई देश अघि बढ्न नसक्ने बताए । राष्ट्रियहितको रक्षा, भ्रष्टचारको अन्त्य, सामाजिक सुरक्षा लगाएतका एजेण्डा एमालेको भएको उनको भनाइ छ । वरिष्ठ उपाध्यक्ष पोखरेलले एमालेको सरकार बनेपछि समृद्ध नेपाल सुखी नेपालीको नाराले साकार रुप लिने धारणा राखे ।
यसैबीच, काठमाडौं महानगरपालिका ४ का काँग्रेसका स्थानीय नेता रमेश प्रजापति, आशिष महर्जन तथा माओवादी केन्द्रबाट काठमाडौं महानगरपालिकाको वडा सदस्यका उम्मेदवार बनेका दिनेश श्रेष्ठ, राप्रपाका न्हूछे प्रजापति, जसपाका शिप पाण्डे, अंशु उपाध्याय र बिमला पाण्डे लगायत दर्जनौंलाई वरिष्ठ उपाध्यक्ष पोखरेलले पार्टीमा स्वागत गरेका छन्।
