काठमाडौं, २८ साउन– यस हप्ता अमेरिका र उत्तर कोरिया वाकयुद्धमा उत्रिए । एकले अर्कालाई युद्धको धम्की दिएका समाचारहरु अन्तर्राष्ट्रिय सञ्चार माध्यमहरुमा छाइरहे ।
जब उत्तरले गुआममा आक्रमण गर्ने धम्की दियो तब सवैको ध्यान त्यसतर्फ गएको छ ।
उत्तर कोरियाको सरकारी सञ्चारमाध्यमले गुआममा हमलाको समाचार चलाएको थियो । उत्तर कोरियाको सैन्य अधिकारीले यो योजना पेश गरेका थिए कि कसरी उत्तर कोरियाली मिसाइलले प्रशान्त महासागरको यो द्वीपको यसै महिना निशानामा पार्ने छ ।
उत्तर कोरियाको यो धम्की अमेरिकी राष्ट्रपतिको त्यस भनाइपछि आएको थियो कि यदी उत्तर कोरियाको आक्रामक व्यवहार नरोकिने हो भने विश्वले नदेखेको हमलाको सामना गर्न तयार रहनु पर्ने छ ।
यो तनावको बीच एक जासूसी रिपोर्ट यो पनि आएको छ की उत्तर कोरियाको मिसाइल साना परमाणु हतियार युक्त हुन सक्षम रहेको छ ।
गुआम एक अलग रहेको एक द्वीप हो जसको पहिचान अमेरिकी सैन्य अड्डाको रुपमा रहेको छ । गुआको बारेमा हामी केही जानकारी दिँदै छौं ।
गुआम अमेरिकाको कसरी भयो ?गुआममा पोर्चुगलको खोजकर्ता फ्रेडिनेड मजेलनको पत्ता लगाएको ४० वर्षपछि १५६५ मा स्पेनले यसमाथि दाबा गरेको थियो । १८९८ मा स्पेन अमेरिका युद्धसम्म गुआममा स्पेनको शासन रहेको थियो । यस पछि स्पेनले पेरिस सन्धिको माध्यबाट गुआम अमेरिकालाई हस्तान्तरण गरेको थियो ।
१९४१ मा पर्ल हार्वर हमलापछि गुआममाथि जापानको अस्थायी नियन्त्रण थियो । तर तीन वर्ष पछि अमेरिकाले फेरि गुआम आफ्नो नियन्त्रणमा लियो । गुआम १९५० मा आधिकारिक रुपमा अमेरिकी क्षेत्र बन्यो र यो अमेरिकाको डिपार्टमेन्ट अफ नेवीको अन्तर्गत रहेको छ ।
१९५० मा अमेरिकी संसदले एक कानून पास गरेको थियो त्यसपछि गुआमका नागरिकले अमेरिकी नागरिकता पाए । तर पनि गुआमका मानिसले अमेरिकी राष्ट्रपति चुनावमा भोट हाल्दैनन् । गुआम मा १९७० मा पहिला पटक गवर्नर छानेको थियो ।
गुआममा अमेरिकी नेवीको एक बेस क्याम्प छ । यससाथै त्यहाँ अमेरिकी एयरफोर्सको बेस छ । त्यहाँ अमेरिकी वमवर्षक र लडाकु विमान राखिने गरिएको छ ।
एक रिपोर्टका अनुसार करि ७ हजार अमेरिकी सैनिक आफ्नो परिवारका साथ त्यहाँ रहने गरेका छन् । त्यहाँको कुन जनसंख्या १ लाख ६० हजार छ । यो प्रसिद्ध पर्यटन स्थल ट्यूमोनको दुई सैन्य अखडाको बीचमा छ ।
गुआम उत्तर कोरियाको नजिकको अमेरिकी इलाका हो । दुई देश बीचको दुरी ३ हजार ४ सय २७ किलोमिटर छ ।
