×

X
Nic Asia
Dabur
Prabhu Bank

प्रतिनिधिसभा निर्वाचन

भत्किए नेताका पुराना किल्ला : लुम्बिनीमा नयाँ अनुहारको वर्चस्व

बुटवल | मंसिर १६, २०७९

NTC
Argakhanchi Cement
Premier Steels
TVS INSIDE

प्रतिनिधिसभा निर्वाचनमा यसपटक लुम्बिनीमा नयाँ अनुहारको वर्चस्व भएको छ । कुल २६ निर्वाचन क्षेत्रमध्ये १६ वटामा यसपालि नयाँ अनुहार चुनिएका छन् ।

yONNEX
LAxmi BAnk
nabil BANK inside

पश्चिम नवलपरासीका २ वटा क्षेत्रमा नयाँ उम्मेदवार विजयी भएका छन् । क्षेत्र नम्बर १ मा संसदीय राजनीतिका खेलाडी जनता प्रगतिशीलका पार्टीका अध्यक्ष हृदयेश त्रिपाठीलाई हराउँदै कांग्रेस केन्द्रीय सदस्य तथा उद्योगपति विनोद चौधरी निर्वाचित भएका छन् । 


Advertisment
NMB BANK
RMC TANSEN
NIC ISLAND BOX

त्यस्तै अर्को कांग्रेसका पुराना खेलाडी देवेन्द्रराज कंडेललाई पराजित गरेर राष्ट्रिय प्रजातन्त्र पार्टी (राप्रपा) का नेता ध्रुवबहादुर प्रधानले बाजी मारेका छन् । त्रिपाठी र कंडेल २०४८ देखि नवलपरासीबाट चुनाव लड्दै आएका नेता हुन् । 

रूपन्देही– ५ मा ३० वर्षदेखि एउटै क्षेत्रमा ‘राज’ गर्दै आएका कांग्रेस नेता भरतकुमार शाहलाई पराजित गरी एमालेका युवा नेता वासुदेव घिमिरेले चुनाव जितेका छन् । निवर्तमान सार्वजनिक लेखा समितिका सभापति शाहलाई भारी (झन्डै दश हजार) मतले पराजित गरी घिमिरेले बाजी मारेका हुन् । घिमिरे तिलोत्तमा नगरपालिकाका पूर्व मेयर समेत हुन् ।


Advertisment
Saurya island

पाल्पाका २ वटा निर्वाचन क्षेत्रमा पनि एमालेका नयाँ युवा उम्मेदवार विजयी भएका छन् । २०५१ सालदेखि पाल्पा– २ बाट चुनाव जित्दै आएका सोम पाण्डे (हाल नेकपा एकीकृत समाजवादीका प्रभावशाली नेता)को संसद् यात्रामा ‘ब्रेक’ लगाउँदै एमालेका युवा नेता ठाकुर गैरे निर्वाचित भए । निर्वाचित गैरेले अहिलेको निर्वाचनले युवा र नयाँ उम्मेदवार जनता रोजाइमा परेको सन्देश दिएको बताए । 

उनले जनतामा चेतना र परिवर्तनको लहर आएको दाबी समेत गरे ।

Vianet communication
IME BANK INNEWS

पाल्पा–१ मा पनि एमालेकै नयाँ उम्मेदवार विजयी भएका छन् । कांग्रेसका ज्ञानबहादुर गाहालाई पराजित गर्दै एमालेका नारायणप्रसाद आचार्यले जितेका हुन् । यो क्षेत्रमा यसअघि एमालेकै दलबहादुर राना निर्वाचन लड्दै आएका थिए ।

बाँकेले तीनवटै निर्वाचन क्षेत्रले पनि यो पटक ‘फ्रेस’ जनप्रतिनिधि पाएको छ । क्षेत्र नम्बर १ बाट माओवादीका नेता एवं युवा तथा खेलकुद मन्त्री महेश्वरजंग गहतराजलाई पराजित गर्दै एमालेका सूर्यप्रसाद ढकाल निर्वाचित भएका छन् । 

त्यस्तै क्षेत्र नम्बर २ मा जनता समाजवादी पार्टी (जसपा) का नेता तथा पूर्वमन्त्री मोहम्मद इस्तियाक राईलाई पराजित गर्दै राप्रपाका डा. धवल शमशेर राणा विजयी भएका छन् । राणा नेपालगञ्ज उपमहानगरपालिकाका निवर्तमान मेयर समेत हुन् । 

बाँके ३ बाट कांग्रेसका किशोरसिंह राठोर निर्वाचित भएका छन् । राठोरले एमालेका किस्मतकुमार कक्षपतिलाई पराजित गर्दै संसद् यात्रा तय गरेका हुन् ।

बर्दियाका राठोर बाँके आएर चुनाव लडेका थिए । त्यस्तै एउटा मात्र निर्वाचन क्षेत्र रहेको प्युठानले पनि नयाँ सांसद पाएको छ ।

राष्ट्रिय जनमोर्चाको उपाध्यक्ष दुर्गा पौडेललाई पराजित गर्दै एमालेका युवा नेता सूर्य थापा विजयी भएका छन् । 

बर्दिया–२ मा यो पटक स्वतन्त्र उम्मेदवारले जीत निकालेका छन् । माओवादी केन्द्रका उम्मेदवार सुरेश पन्तलाई पराजित गरी स्वतन्त्र उम्मेदवार लालवीर चौधरी विजयी भएका हुन् । उनी रेशम चौधरी बुवा हुन् । रेशमको उम्मेदवारी खारेज भएपछि नागरिक उन्मुक्ति पार्टीले उनलाई समर्थन गरेको थियो । 

दाङ क्षेत्र नम्बर २ मा एमाले महासचिव शंकर पोखरेललाई पराजित गर्दै माओवादी केन्द्रकी रेखा शर्मा निर्वाचित भएकी छन् । दाङमा एमाले प्रतिनिधिसभा र प्रदेशसभामा ‘क्लीन स्वीप’ भएको छ । त्यस्तै रुकुम पूर्वमा एमालेका कैलाशकुमार मल्ललाई पराजित गरी माओवादी केन्द्रका पूर्णबहादुर घर्ती निर्वाचित भएका छन् । उनी पनि प्रतिनिधिसभातर्फ नयाँ अनुहार हुन् । 

कपिलवस्तुमा– ३ क्षेत्रमध्ये २ वटामा नयाँ अनुहार आएका छन् । क्षेत्र नम्बर १ मा पूर्व कृषिमन्त्री तथा माओवादी केन्द्रका सचिव चक्रपाणि खनाल ‘बलदेव’ लाई पराजित गरी एमालेका बलराम अधिकारी निर्वाचित भए । 

त्यस्तै क्षेत्र नम्बर २ मा चारपटक लगातार चुनाव जित्दै आएका एमालेका नेता वृजेश गुप्तालाई पराजित गरी कांग्रेसका सुरेन्द्र आचार्य निर्वाचित भए । 

क्षेत्र नम्बर ३ मा कांग्रेसका अभिषेकप्रताप साहको किल्ला भत्काउँदै एमालेका मंगलप्रसाद गुप्ता विजयी भए । लामो समय चुनाव लड्दै आए पनि गुप्ता पहिलोपटक सांसद निर्वाचित भएका हुन् । 

बुटवल बहुमुखी क्याम्पसका प्राध्यापक नुरजंग केसीले अहिलेको निर्वाचनमा युवाहरूले परिवर्तन खोजेको देखिएको बताए । 

‘अब नेताहरूको पुरानो विरासत, मान सम्मान होइन काम गर्ने सक्ने उम्मेदवारलाई जिताउनुपर्छ भन्ने देखियो,’ केसी भन्छन्, ‘नयाँ निर्वाचित सांसदहरूले कुनै लोभमा नफसी सशक्त ढंगले जनताका आवाज उठाए भने आगामी निर्वाचनमा पनि युवाको भविष्य राम्रो छ भन्ने प्रस्ट सन्देश निर्वाचनको ‘सिनारियो’ले दियो ।’ 

राजनीति क्षेत्रका अर्का जानकार युवंराज कंडेलले राजनीतिक योगदानभन्दा पनि जनताले समाजमा योगदान गर्न सक्ने नेताको खोजी गरेर नेतृत्व चयन गरेको तर्क गरे ।

‘निर्वाचनमा जनताले अहिले आफ्नो विवेक प्रयोग गरे । दलका नेताहरूले भनेको मान्नुपर्छ भन्ने स्वीकार गरेनन्,’ कंडेल भन्छन्, ‘सक्षमता भएका उम्मेदवार अगाडि नसार्ने हो भने आउँदा निर्वाचनमा ठूला भनिएका दलको अस्तित्व नै संकटतर्फ जान सक्छ ।’

hAMROPATRO BELOW NEWS
Maruti inside
NLIC
TATA Below
माघ २१, २०७९

 राष्ट्रिय स्वतन्त्र पार्टी (रास्वपा)ले  माग पूरा गर्नका लागि आफूहरुले प्रधानमन्त्रीलाई कुनै अल्टिमेटम नदिएको दाबी गरेको छ । प्रधानमन्त्री प्रचण्ड र एमाले अध्यक्ष केपी ओलीले रास्वपाको मागको विषयमा दुई द...

माघ २१, २०७९

राष्ट्रिय स्वतन्त्र पार्टी (रास्वपा) को मागबारे एमाले अध्यक्ष केपी शर्मा ओलीको उपस्थितिमा शुक्रबार छलफल भएको छ । रास्वपाले सरकारलाई दुई दिनको अल्टिमेटम दिएको सन्दर्भमा उसको मागलाई कसरी सम्बोधन गर्ने भन्ने विषयमा...

माघ २१, २०७९

राष्ट्रिय स्वतन्त्र पार्टी (रास्वपा) को केन्द्रीय समिति र संसदीय दलको संयुक्त बैठक सुरु भएको छ । पार्टी कार्यालयमा सुरु भएको बैठकले गर्ने निर्णयबारे सर्वत्र चासो छ ।  रास्वपाले गृह मन्त्रालय पाउनका लागि ...

माघ २१, २०७९

काठमाडौँ । प्रधानमन्त्रीलाई दिएको दुई दिने अल्टिमेटम सकिनै लाग्दा राष्ट्रिय स्वतन्त्र पार्टी (रास्वपा)को बैठक जारी छ । डेढ घण्टायता पार्टी कार्यालयमा रास्वपाको केन्द्रीय समिति र संसदीय दलको संयुक्त बैठक चलिरहेको...

माघ २१, २०७९

राष्ट्रिय स्वतन्त्र पार्टी (रास्वपा) को बैठक निष्कर्षविहीन भएको छ । शनिबार राति अबेरसम्म चलेको केन्द्रीय समिति र संसदीय दलको बैठकले सरकारमा रहिरहने कि बाहिरिने भन्नेबारे ठोस निर्णय गर्न नसकेको हो ।  ...

माघ २१, २०७९

‘लोकान्तर राउण्ड अप’मा पाठकवृन्दलाई स्वागत छ । सधैँझै आज पनि हामी बितेको २४ घण्टाका मुख्यमुख्य घटनाक्रमसहित उपस्थित भएका छौँ– राष्ट्रपति चयनको विषयले सत्ता गठबन्धनमा खटपट आउला भन्ने चर्चा भइरहे...

म, तपाईं, उहाँ, हामी सबै भ्रष्टाचारी !

म, तपाईं, उहाँ, हामी सबै भ्रष्टाचारी !

माघ २१, २०७९

सन् २०१२–२०२२ सम्म हेर्दा देशमा निरन्तर भ्रष्टाचार बढेको देखिन्छ । यसैले मान्नुस्, नमान्नुस् हामी सबै भ्रष्टाचार नै हौं । किन, कसरी, कहाँ, कहिले भन्ने प्रश्न मलाई होइन, आफैंलाई सोध्नुस्, छर्लङ्ग हुन्छ । भ्रष्...

प्रिय रवि, तिमी सपनाको हत्या गर्दैछौ !

प्रिय रवि, तिमी सपनाको हत्या गर्दैछौ !

माघ २०, २०७९

मलाई त्यो एउटा पुरानो कुरा याद छ– प्रेम बानियाँ, तिमी (रवि लामिछाने), म र केही साथीहरू काठमाडौंको बाँसबारीस्थित थकाली भान्साघरको एउटा कोठामा बसेर ‘सिधा कुरा प्रधानमन्त्री सँग’को प्रोमोमा ...

प्रचण्डकै नेतृत्वमा फर्काउन सम्भव छ माओवादीको पुरानो साख !

प्रचण्डकै नेतृत्वमा फर्काउन सम्भव छ माओवादीको पुरानो साख !

माघ १९, २०७९

– सत्तालाई आर्यघाटसम्मको सहयात्री बनाउने । – शक्तिलाई ईश्वरीय अनुकम्पा सम्झने । – सम्पत्तिलाई सामन्ती विरासतको जगमा ढाल्नुपर्ने । – पार्टी मुख्यालयलाई शान्त मसानघाट जस्तो राख्ने । निवास...

ad
x