करिब १२ हजार धावकले भाग लिएको ४१औँ मकाउ अन्तराष्ट्रिय म्याराथन आइतबार सम्पन्न भएको छ । चिनियाँ धावक गुआन युसेङले २:१९:०३ सेकेन्डमा ली बो र नियान्जे एटीलाई हराएका छन्।  त्यस्तै ली मेइजेनले २:४०:२६ सेकेन्डमा ची लिंग्जी र चेन लिकिनलाई पछि पार्दै महिला उपाधि जितेकी हुन् ।

यस वर्षको मकाउ अन्तरराष्ट्रिय म्याराथनमा म्याराथन, हाफ म्याराथन र ४.५ किलोमिटरको मिनी म्याराथन पनि समावेश छ। स्थानीय धावक र अन्य स्थानबाट आएकाहरूले विभिन्न घण्टामा दौड  शुरु गरेका थिए।
मकाउ एथलीट वर्गमा  पुरुष म्याराथनमा शीर्ष तीनमा चान काई उन, कुओक ची वाइ र फोङ इङ वाइ  सहभागी थिए भने महिला म्याराथनमा शीर्ष तीनमा उ याङयाङ, चेओङ लाइ पेङ र माक होइ चेङ रहेका छन् । 
 सिनियर ट्रफी ६८ वर्षीय ली गुइहुआले जितेका  छन्।