०१ असार २०८३, सोमबार
विश्व स्वयंसेवक दिवसका अवसरमा मानवअधिकार तथा शान्ति समाज काठमाडौं शाखाले असहाय गाई बाच्छा संरक्षण अभियानका लागि १५ हजार १०० संकलन गरी हस्तान्तरण गरेको छ ।
शान्ति समाज काठमाडौं शाखाको तर्फबाट असहाय गाई बाच्छाको भोजनका लागि १५ हजार १०० रुपैयाँ बराबरको खाद्यान्न उपलब्ध गराइएको अध्यक्ष भगवान् पुडासैनीले जानकारी दिए ।
अभियानले सडकमा छोडिएका करीब २०० गाई बाच्छालाई सहारा दिँदै आएको छ । यसका लागि पशुपति क्षेत्र विकास कोषले कागेश्वरी मनोहरा नगरपालिका–८ गोठाटारमा करीब १०० रोपनी जग्गा उपलब्ध गराएको छ ।
यसै अवसरमा बागमती नदी किनारमा विभिन्न जातका फलफूलका बिरुवा समेत रोपिएको छ । कफी तथा जामुनका बिरुवा रोपिएको छ । ती बिरुवा हुर्काउने प्रतिबद्धता समेत व्यक्त गरिएको उनले सुनाए ।
समाजले नियमित रूपमा वृक्षरोपण अभियान पनि चलाउँदै आएको छ ।
स्वयंसेवक दिवसकै अवसरमा शाखाले बागमती सफाइ समेत सम्पन्न गरेको छ । शाखा गुह्येश्वरीमाथिको बागमती सफाइ अभियानमा सहभागी हुँदै आएको छ ।
