२६ जेठ २०८३, मंगलबार
ललितपुर महानगरपालिकाले आफ्नो स्थापनाको १०४औँ वर्ष प्रवेशको अवसरमा नगर प्रहरीले फोटो प्रदर्शनी आयोजना गरेको छ । ललितपुर नगर प्रहरीले पछिल्लो ५ वर्षमा गरेका कामहरू १ सय २३ वटा फोटो प्रदर्शनमा गरेको नगर प्रहरी प्रमुख सीताराम हाछेथुले बताए ।
महानरपालिकाभित्र भएका अव्यवस्थित तारहरूको व्यवस्थापन, सडकमा राखेको बालुवा, गिट्टीलगायतका निर्माण सामग्रीहरूको व्यवस्थापन, नगर प्रहरीले विभिन्न मेला महोत्सवमा गरेको कामहरूको फोटो प्रर्दशनीमा राखिएको थियो ।
फोटोमा विगतमा गरेका काम र अहिलेको अवस्थाको बारेमा देखाउन खोजिएको नगर प्रहरी प्रमुख हाछेथुले बताए । ‘पहिलेको अवस्था के थियो, तर अहिलेको अवस्था के छ, अर्थात के परिर्वन भएको भन्ने देखाउन खोजेका हौँ’, हाछेथुले भने ।
हेरौँ फोटोहरू
