नवनिर्वाचित प्रतिनिधिसभाका ज्येष्ठ सदस्य राप्रपाका नेता पशुपतिशमशेर राणाले आज बुधबार राष्ट्रपति विद्यादेवी भण्डारीबाट शपथ लिनेभएका छन् । प्रतिनिधिसभा ऐनमा गरेको व्यवस्थाअनुसार प्रतिनिधिसभाका अन्य सदस्यहरुलाई शपथ गराउन राणाले आज राष्ट्रपतिबाट शपथ लिन लागेका हुन् ।

सांसद राणाले आज दिउँसो १ः३० बजे राष्ट्रपति कार्यालय शीतलनिवासमा शपथ लिने कार्यक्रम तय भएको संघीय संसद सचिवालयका प्रवक्ता डा. रोजनाथ पाण्डेले बताउनुभयो ।  सांसद राणाको नागरिकतामा जन्ममिति १९९८ मंसिर २४ गते उल्लेख रहेको र सबैभन्दा बढी उमेरका ज्येष्ठ सदस्य रहेको निर्वाचन आयोगले सिफारिस गरेपछि संसद सचिवालयले उनलाई ज्येष्ठ सदस्यकोरुपमा पहिचान गरेको थियो ।