एमालेको समर्थनमा प्रचण्ड प्रधानमन्त्री, रवि लामिछाने पनि सरकारमा सहभागी हुने

नेकपा एमालेको समर्थनमा माओवादी केन्द्रका अध्यक्ष पुष्पकमल दाहाल ‘प्रचण्ड’ प्रधानमन्त्री बन्ने निश्चित भएको छ । एमाले अध्यक्ष केपी शर्मा ओलीको निवास बालकोटमा आइतवार भएको चारदलको बैठकमा प्रचण्डको नेतृत्वमा सरकार बनाउने सहमति भएको बैठकमा सहभागी एक नेताले लोकान्तरलाई जानकारी दिए । 

एमालेको समर्थनमा माओवादी, राष्ट्रिय स्वतन्त्र पार्टी, राप्रपा, जनमत र उन्मुक्ति पार्टी सरकारमा सहभागी हुने भएका छन् । आजै सहमतिपत्रमा हस्ताक्षर गर्ने तयारी भएको छ ।

सहमतिपछि आजै राष्ट्रपति समक्ष प्रधानमन्त्रीका लागि दाबी गर्ने दलहरूको तयारी छ ।