०८ साउन २०८३, शुक्रबार
लुम्बिनी प्राविधिक विश्वविद्यालय बोर्ड सदस्यमा कपिलवस्तुका नारायण भुसाल नियुक्त भएका छन् । मुख्यमन्त्री कूलप्रसाद केसीले शिक्षामन्त्रीलाई जानकारी नै नदिई बाणगंगा नगरपालिका वडा नम्बर ८ का भुसाललाई सदस्यमा नियुक्त गरेका हुन् ।
विश्वविद्यालयको कूलपति मुख्यमन्त्री र उपकूलपति शिक्षामन्त्री रहने व्यवस्था छ ।
मंसिर २९ गते कुलपतिको निर्णयअनुसार भुसाललाई नियुक्त गरिएको विषय बिहीवार साँझ मात्रै सार्वजनिक भएको थियो । मंसिर २९ गतेको निर्णयपछि मन्त्रिपरिषद बैठकमा समेत कुनै जानकारी दिइएको थिएन । सोही कारण पनि पुरानो मितिमा निर्णय गरिएको शिक्षा मन्त्रालयका अधिकारीको भनाइ छ । प्रदेशका शिक्षामन्त्री बसिउद्दिन खानले यो विषयमा कुनै जानकारी नभएको बताए ।
विश्वविद्यालय सञ्चालनका लागि साउन १६ गते उपकुलपतिमा रुपन्देहीका विनोद ढकाल तथा २० गते रजिष्टारमा रोल्पाका रेग भण्डारीलाई नियुक्त गरी काम अगाडि बढाएको छ । बाँकेको खजुरामा केन्द्रीय कार्यालय स्थापना गरी कार्य सञ्चालन गरिएको छ । यो लुम्बिनीको ४ वटा गौरवका आयोजनामध्येको एक हो ।
