हलिउड अभिनेता टम क्रुजको एउटा दृश्य शूटिङका क्रममा घाइते भएका छन् । आफ्नो सिक्वेल फिल्म ‘मिसन इम्पोसिबल ६’ को शूटिङका क्रममा उनी घाइते भएका हुन् ।
उनी घाइते भएपछि फिल्मको शूटिङ रोकिएको छ । ‘द हलिउड रिपोर्टर’ का अनुसार प्यारामाउन्ट पिक्चर्सको एक कुराकानीका आधारमा टम घाइते भएको जनाइएको थियो । उनी पूर्ण निको नहुँदासम्म फिल्मको शूटिङ रोकिनेछ ।
५५ वर्षीय टम क्रुज रियल स्टन्ट दिने कलाकारका रुपमा पनि चिनिन्छन् । उनको यो चलचित्र भने २०१८ को २७ जुलाईमा प्रदर्शनमा आउनेछ ।
