२५ जेठ २०८३, सोमबार
रुससँग लड्नका लागि युक्रेनले अमेरिकाबाट एफ–१६ लडाकू विमानको अपेक्षा गरेको भए पनि अमेरिकाका राष्ट्रपति जो बाइडनले त्यसलाई अस्वीकार गरेका छन् ।
सोमवार आयोजित एक प्रेसवार्तामा बाइडनले युक्रेनको माग खारेज गरेका हुन् ।
बाइनडभन्दा अघि जर्मनीले पनि आफ्नो फाइटर जेट युक्रेनलाई दिन स्पष्ट रूपमा अस्वीकार गरेको थियो ।
अघिल्लो साता जर्मनीले लेपर्ड ट्यांक र अमेरिकाले अब्राम्स ट्यांक दिएपछि युक्रेनले लडाकू विमानको अपेक्षा गरेको थियो । युक्रेनका रक्षामन्त्री ओलेक्सी रेज्निकोभले अमेरिका तथा पश्चिमी मुलुकको फाइटर जेट गठबन्धन बन्नुपर्ने बताएका थिए । युद्धको दिशा त्यसले परिवर्तन गर्ने उनको भनाइ थियो ।
युक्रेनसँग अहिले लगभग ३० वर्ष पुरानो सोभियतकालीन लडाकू विमान छ । त्यो विमानले युद्धमा युक्रेनलाई खासै फाइदा गरेको छैन ।
