२३ असार २०८३, मंगलबार
प्रधान सेनापति प्रभुराम शर्माले उपत्यका पृतना हेडक्वाटर अन्तर्गतका फौजहरु सम्मिलित तालिमको निरीक्षण गरेका छन् । सोमबार उनले ललितपुरको लेलेमा सञ्चालनमा रहेको तालिमको निरीक्षण गरेको जङ्गीअड्डाले जनाएको छ ।
सो अवसरमा प्रधानसेनापति शर्माले नेपाली सेनाका विभिन्न युनिटहरुको सामुहिक तालिमको अवलोकन गरे । सो क्रममा उनले तालिमका विविध पक्षहरुका बारेमा जानकारी लिएका थिए । सकल दर्जाका सैनिकलाई सम्बोधन गर्दै उनले लगनशीलता, इमान्दारिता र अनुशासन सैनिकको जीवन भएको बताए ।
