०१ असार २०८३, सोमबार
अमेरिकापछि क्यानडाको आकाशमा पनि शंकास्पद वस्तु देखिएपछि शनिवार त्यसलाई खसाइएको छ ।
युकोन प्रान्तमा सिलिन्डर आकारको यस वस्तुलाई अमेरिकी लडाकू विमान एफ–२२ ले खसाएको छ ।
क्यानडाका प्रधानमन्त्री जस्टिन ट्रुडोले यसबारेमा जानकारी दिँदै यस वस्तुको भग्नावशेष जाँच गरिने बताएका छन् ।
शुक्रवार अमेरिकाको अलास्कामा पनि यस्तै किसिमको वस्तु देखिएको थियो । त्यतिखेर पनि अमेरिकी लडाकू विमानले ४० हजार फीट उचाइमा रहेको वस्तु खसाएको थियो ।
अघिल्लो शनिवार अमेरिकाले चीनको जासूसी बलून भनिएको वस्तुलाई आन्ध्र महासागरमा खसाइएको थियो ।
ट्रुडोका अनुसार, नर्थ अमेरिकन एयरोस्पेस डिफेन्स कमान्ड (नोराड) ले शनिवार उडिरहेको वस्तु देखेको थियो । त्यो क्यानडाको हवाईक्षेत्रमा थियो । चीनको जासूसी बलून भनिएको वस्तुभन्दा त्यो आकारमा सानो थियो ।
