सीजी होल्डिङ्सले सीजी नेक्सट जेनेरेसनको अवधारणाअन्तर्गत नक्साल काठमाडौँमा कम्पनीको आधिकारिक डिलरको रुपमा स्मार्ट सिरोजेनिक्स नियुक्त गरेको छ ।

सवारी साधन खरिदकर्ता ग्राहकलाई सवारी साधनको खरिद प्रति उच्च एवं स्मरणीय अनुभव प्रदान गर्नु नै नेक्सट जेनेरेसनको च्यानलको बेन्चमार्क पनि हो ।

ग्राहकहरूलाई सहज र झन्झटमुक्त अनुभव प्रदान गर्न नयाँ सोरुम डिजाइन गरिएको हो ।

नेक्सट जेनेरेसनको मार्फत सुजुकी ब्राण्डका प्रिमियम गाडीहरू उपलब्ध हुनेछन् भने ग्राहकले गाडी खरिद गर्दाको अनुभव फरक र उच्चस्तरीय भएको पाउने दाबी गरिएको छ। 

यही विश्वासका साथ नक्सालस्थित State of the Art ​शोरुमबाट ग्राहकहरूले सुजुकीको Grand Vitara, Scross, Ertiga, XL6, Dzire, Ignis, Baleno​ जस्ता प्रिमियम गाडीहरू  खरिद गर्नु सकिनेछ। 

शोरुममा टेस्ट राइड, एक्सचेन्ज र फाइनान्सका सुविधा एउटै छानाबाट उपलब्ध गराइनेछ ।

नक्सालस्थित स्मार्ट सिरोजेनिक्स शोरूमको उद्घाटन सीजी होल्डिङ्सका अध्यक्ष तथा  प्रबन्ध निर्देशक श्री अरुण कुमार चौधरी र सिरोहिया ग्रुपका अध्यक्ष श्री गोपाल प्रसाद सिरोहियाले संयुक्त रुपमा गरेका छन्। 

स्मार्ट सिरोजेनिक्सका निर्देशक, विनोद सिरोहियाले सुजुकी नेपालकै सर्वाधिक बिक्री हुने अटोमोबाइल ब्रान्ड भएको बताए। 

सुजुकीका कारहरू विश्वसनीय, दक्ष र उच्च परफोरमेन्स  लागि परिचित भएकाले आफ्नो यो शोरुमबाट सुजुकीका ग्राहकहरूलाई उत्कृष्ट सेवा दिने बताए।