०६ असार २०८३, शनिबार
काठमाडौं, १० भदौ — संसारमा धेरै यस्ता पनि शहर छन् जहाँ एक ठाउँबाट अर्को ठाउँमा खाना पु–याउन धेरै बेर लाग्छ किनकि बीचबीचमा नदी हुन्छन् ।
त्यस्ता शहरहरूलाई लक्षित गरेर एउटा ड्रोन बनाइएको छ जसले चार मिनेटमै रेस्टुराँबाट खाना घरसम्म पु–याइदिन्छ । यसबाट २५ मिनेट समय बचत हुन्छ ।
ड्रोन कम्पनी फ्लाईट्र्याक्सले आइसल्यान्डको अनलाइन रिटेलर एएचकेका साथ साझेदारीमा यो ड्रोन बनाएको हो ।
आइसल्यान्डको राजधानी रेकजाभिकमा ड्रोन परीक्षण गरेको थियो । ड्रोनले केही मिनेटमै खाना पु–याएर ड्रोन डेलिभरीलाई अर्को स्तरमा लग्ने काम गरेको छ ।
यस्तो डेलिभरीलाई धेरै महत्त्वपूर्ण मानिएको छ किनकि यसबाट खाना पनि समयमा पुग्छ र पैसा पनि कम लाग्छ ।
यो ड्रोनबाट सामान पु–याउँदा प्रदूषण पनि हुँदैन । यो शतप्रतिशत विद्युतीय छ ।
अहिले यो ड्रोनले दिनको २० डेलिभरी गर्छ ।
एजेन्सी
