२६ जेठ २०८३, मंगलबार
अहिले व्यापक चर्चामा रहेका बागेश्वर धाम सरकारका आचार्य पण्डित धीरेन्द्र कृष्ण शास्त्री अहिले मध्य प्रदेशको टीकमगढ जिल्लामा प्रवचन दिइरहेका छन् ।
उनले श्रीराम कथा सुनाइरहेका छन् ।
त्यसैक्रममा नेपालका एक सांसद मधुसूदन पनि कथा सुन्न पुगेको भनी नवभारत टाइम्सले खबर दिएको छ । त्यसक्रममा उनले बागेश्वर सरकारलाई नेपाल आउने निमन्त्रण दिएको पत्रिकाको समाचारमा उल्लेख छ ।
सांसद फलफूल टोकरीमा राखेर कथा सुन्न पुगेका थिए । फलफूल चढाएर उनले बागेश्वर बाबालाई ढोगेका थिए ।
धीरेन्द्र शास्त्रीले नेपालका सांसदलाई स्वागत गर्दै नेपाल हिन्दू राष्ट्र बनिरहेको हेर्न चाहेको बताए ।
त्यसैक्रममा बागेश्वर धाम सरकारले भने, ‘नेपालमा हिन्दी बोलिन्छ कि बोलिँदैन भनी मैले सोधें । मानिसहरूले बोलिन्छ भने । त्यसो भए म पक्कै जान्छु । बालाजीको आदेशपछि म अंग्रेजहरूकोमा त गएको थिएँ, नेपाल जानु कुन ठूलो कुरा हो ।’
बागेश्वर धाम सरकारको प्रवचन सुन्नका लागि विशाल संख्यामा भक्तजन पुग्ने गरेका छन् । पण्डालमा मान्छे नअटाएर उभिएर पनि कथा सुनिरहेका छन् ।
भिडियो हेर्न तलको लिकं क्लिक गर्नुहोला
