१५ असार २०८३, सोमबार
रुसका राष्ट्रपति भ्लादिमिर पुटिनले आफ्नी गोप्य प्रेमिका एलिना कबेवाका लागि विलासी महल बनाएको त्यहाँको खोजी न्युज साइट द प्रोजेक्टले खबर दिएको छ ।
सुनले बनेको यो महल राजधानी मस्कोबाट २५० माइल पर भाल्दाइको जंगलमा छ । महलमा विशाल कोठाहरू छन् ।
पुटिनले एलिनाका लागि १३ हजार वर्ग फीट क्षेत्रमा अर्बौं रुपैयाँ खर्च गरी महल बनाएका हुन् । त्यहाँ काठका सुन्दर वस्तुहरू छन् भने रुबी जडिएको झुमर पनि झुण्ड्याइएका छन् ।
पुटिनको बैंकर भनिने रुसी व्यापारी युरी कोभाल्चकको कम्पनीले साइप्रसमा जम्मा गरेको कालो धनबाट यो महल बनाइएको द प्रोजेक्टको दाबी छ ।
एलिना पुटिनकी प्रेमिका भएको बेलायती पत्रिकाहरूले पनि दाबी गरेका छन् । तर पुटिनले सार्वजनिक रूपमा यसलाई स्वीकार गरेका छैनन् ।एलिना रुसकी नेता, मिडिया म्यानेजर र संन्यास
लिइसकेकी जिम्नास्ट हुन् । उनले आफ्नो खेल करीयरमा दुईवटा ओलम्पिक मेडल, १४ वटा विश्व च्याम्पियनशिप र २१ वटा युरोपेली च्याम्पियनशिप पदक जितेकी छन् ।
