३१ जेठ २०८३, आइतबार
राहदानी विभागले मंगलवार अर्थात् घोडेजात्राको बिदाका दिन पनि आफ्नो सेवा दिने भएको छ ।
सरकारले घोडेजात्राका अवसरमा मंगलवार काठमाडौं उपत्यकामा सार्वजनिक बिदा दिए पनि राहदानी विभागले भने आफ्नो सेवा नरोकिने जनाएको छ ।
विभागका सूचना अधिकारी खिमानन्द भुसालले मंगलवार बिहान १० देखि दिउँसो साढे २ः३० बजेसम्म विभाग खुल्ने र सेवा प्रदान गरिने बताए । उनले भने, ‘मंगलवारका लागि ८०० जनाले राहदानीका लागि फर्म भरेका र बिदा परेकाले पनि हामीले २ः३० बजेसम्म हाम्रो सेवा दिनेछौं ।’
विभागले मंगलवार बिदाका दिनमा पनि आफ्नो सेवा दिने विषयमा एक सूचना समेत सार्वजनिक गरिएको छ ।
