राष्ट्रपति रामचन्द्र पौडेलले बुधबार बिहान पशुपतिनाथस्थित वनकाली क्षेत्रमा वृक्षरोपण गरेका छन्। 

त्यहाँ उनले नागचम्पा फूलको वृक्ष रोपेका थिए। ​

वृक्षरोपण कार्यक्रमका सहयोगी तथा वन मन्त्रालयका पूर्वसचिव युवराज भुसालका अनुसार पौराणिक हिसाबले आज नयाँ वर्ष परेकाले वनकाली क्षेत्रमा वृक्षरोपण कार्यक्रम आयोजना गरिएको हो ।

नाग देवताको पूजा नागचम्पा सेतो फूलले गरिने तथा नाग प्रशन्न हुने भएकाले आज राष्ट्रपति पौडेलले उक्त फूलको बिरुवा रोपेका हुन्। 

वनकाली क्षेत्र कृपालु क्षेत्र भएको र नागदेवता नागचम्पा फूलले पूजा गर्दा खुशी हुने भएकाले वृक्षरोपण गरिएको आयोजकले जनाएको छ ।

गृह शान्ति, राष्ट्र शान्तिका लागि लुम्बिनीमा समेत राष्ट्रपति पौडेलद्वारा वृक्षरोपण गराइने योजना रहेको भुसालले जानकारी दिए ।