२५ जेठ २०८३, सोमबार
भारतको पञ्जाब प्रहरीको फरार सूचीमा रहेका ‘वारिस पञ्जाब दे’का प्रमुख अमृतपाल सिंहले सिख धर्मको ‘सन्त’को भेषमा महिलामाथि अश्लील हर्कत गर्ने गरेको खुलासा भएको छ ।
भारतीय सञ्चारमाध्यम आजतकका अनुसार महिलासँग अश्लील हर्कत गरेर उनले ‘ब्ल्याकमेल’ गर्ने गरेको पाइएको छ । उनले सामाजिक सञ्जालमा च्याट गर्दै अश्लील हर्कत गर्ने गरेका छन् ।
महिलाहरूलाई प्रेममा फसाएर उनले आफ्नो शिकार बनाउने गरेका छन् । उनले पञ्जाबलाई खालिस्तान बनाएर क्रान्ति सफल पार्न बताउँदै आएका छन् ।
पञ्जाब प्रहरीले उनीमाथि कारवाही प्रक्रिया अगाडि बढाएपछि उनी फरार छन् । प्रहरीले उनका कतिपय सहयोगीलाई पक्राउ गरिसकेको छ ।
